الوشم هو رسم كايتوضع على الجسد بواسطة ملونات باعتماد آلة حادة ، وهو ظاهرة قدييمة جدا في المجتمعات البشرية و لي ارتبط ب مجموعة من العقائد و الديانات القديمة و كان معروف عند المصريين , اليونان ,الهنود و الاشوريين الى غيرهم من الحضارات الاخرى . و كان كايتستعمل لعدة اغراض ف كاين لي كان كايعتابرو حماية من الارواح الشريرة و السحر و كايينين حضارات اخرين لي كانو كايديرو الوشم باش يميزو قبيلة عن اخرى ,واليوم غادي نهضرو علا المجتمع الامازيغي لي كان معروف باستعمال الوشم والتزين به خصوصا عند النساء لي بواسطة مواد بحال الكحل , الاعشاب العطرة , التوابل و دخان الشحم و مجموعه من الملونات الاخرى كايصاوبو لينا الوشم .
ارتبط الوشم بعدة مناسبات ف المرأة الامازيغية كانت كاتوضع هاد الرموز ف الحفلات بحال الاعراس و حفلات العقيقة او ملي كاتبغي تزين للزوج ديالها وارتبط الوشم ايضا بالحماية من الامراض حيت الامازيغيين القدامى كانو كايعتقدو ان للوشم وظيفة علاجية وايضا كايحمي من الامراض العضوية و النفسية و ايضا بالنسبة ليهم الوشم كانت عندو وظيفة سحرية بحاالهم بحال كاع الحضارات الاخرى السابقة و لي كانو كايعتابروه وسيلة للحماية من القوى الميتافيزيقية .و بلا مانساو ان للوشم وظيفة أنتروبولوجية حيت كايعكس الثقافة و الهوية الامازيغية و كاتميزها عن الحضارات الاخرى .
كاتختالف الاشكال دياال الوشم ولكن لي مؤكد هو كل شكل عندو دلالة معينة و ايلا دققنا ف انواع الوشم غادي نلقاو رموز بحال المنعرجات و زخرفة المثلثات و المربعات المستطيلات المرتبطة بخصوبة المرأة وخصوبة الأرض...
بعض الرموز و الدلالات ديالها
