كلاب الهاسكي

الهاسكي من الكلاب لي عندها شعبية كبيرة فالعالم كامل , دكشي علاش غادي نعطيكم مجموعة المعلومات عن هذه الكلاب الرائعة . 
-اولا الهاسكي بان لاول مرة ف شرق سيبيريا من قبل 3000 سنة ، كان كايتستخدم فالرعي  و ايضا حمل البضائع الثقيلة  ، وهاد الكلب وصل لميريكان فالقرن 20 ،و كايتميز بالحجم ديالو المتوسط   بحيث يصل وزن ذكر كلاب الهاسكي ما بين 20 و 27 كيلوغراماً، أما وزن الأنثى يكون ما بين 16 و23 كيلوغراماً اما  الطول: فيتراوح  بين 53 و64 سم عند الذكور ، والإناث بين 51 و60 سم .
  الهاسكي كايتميز بالفرو ديالو الكثيف لي كايساعدو علا تحمل درجات الحرارة المنخفضة ، بحيث  كايقدر يتحمل تال 56 درجة مؤوية تحت الصفر ومن غير هدشي ف هاد الكلب  كايقدر يتمشا للمدة طويلة  جداااا ويقدر يضرب معاك المسافات الطويلة بلا ماعيا   .
 -تقدرو تلقاو كلب الهاسكي فجيمع الالوان و لكن اللون الابيض و الاسود هوما اكثر لونين شائعين ، واما العينين ف ف الهاسكي كايتميز بالجمال ديال العيون  و خاصة الالوان د بؤبؤ العين ، بحال الازرق المفتوح و الرمادي و البني و احيانا كانقدرو نلقاو هاسكي عندو لون مختلف ف كل عين  ، و بالرغم من التشابه ديالهم مع الذئاب الا ان قلوبها رقيقة و عزيز عليهم النشاط و كايسمعو للهضرا ماحد ديك الاوامر ماكاتشكلش خطر على حياتهم,  و الهاسكي كايقدر يعيش من 12 تال 15 سنة ايلا طهليتي فيهم مزيان ، و اذا كنتي باغي تربي هاسكي فالدار ف خاصك ترد البال  لمجموعة من المسائل و من اهمها  :
- الهاكسي كلب نشيط بزاف دكشي علاش كايحتاج انك تخرجووو و تلعب معاه باش يخرج ديك الطاقة لي عندو الداخل  و ماتخليهش بوحدو فاالدار حيت ماكايعحبوش الانعزال .
-الهاسكي كايخصك تمشط ليه شعرو على الاقل مرة وحدا فالاسبوع حيت كايتساقط بزاف و خصوووصا فالحرارة  و ملي كاتجي البرودة كاييدا ينوض ليه الشعر عاوتاني  ، و عموما حاول تفادى تحطو بزاف ف شمس حيت كاين لي كاياخد هاسكي و كايخليه مشمش فالسطاح ، وهدشي كاينعاكس عليه سلبا .
-الهاسكي من غير انه حيوان نشايطي و تقدر دوز معاه وقت مزيان  ، هو ايضا شرس مع الغرباء و كايولي عدواني ايلا حس بالخطر كايقرب ليه و فالتالي يقدر يحميك في حالتما تعرضتي لشي تهديد. 
- اما عن النظافة ف هذه الكلاب عامة نظيفها و كاتنقي راسها ب راسها بحال المشاش و ايلا باغي دوش ليها ف يستحسن استعمال مواد لي كاتحافظ علا الزيوت الطبيعية لي فالجسم .
 -و اخر مسألة غادي نذكرها هي التغدية ديال  كلاب الهاسكي لي  كاتكون من كوب ونصف إلى كوبين من المواد الغذائية الجافة وعالية الجودة لي كاتقدرو تلقاوها ف اي سوبر مارشي  ، هاد الوجبة  كاتكون مقسمة  إلى وجبتين فاليوم  بالنسبة للكلاب الكبيرة اما ايلا كان جرو ف خاصو ثلاث وجبات ف اليوم  و عامة فكمية التغدية مرتابطة بالحجم ديال الهاسكي ديالك  فكلما كان كبير الا وكايتطلب مقدار اكبر ديال القص وايضا  هاد الكمية مربتطة بالعمر و بالحالة الصحية ديالو و يستحسن الكلب يشد الارض واحد تسعين دقيقة من مور الماكلة , وعموما كلاب الهاسكي كلاب جميلة و غادي تستمتع بالرفقة ديالها . 


مقال " Meriem Benali"
 الصورة  " Said Jaouad "