اكبر محطة تحلية مياة البحر ف العالم

مؤخرا سمعت بلي المغرب غادي يدير أكبر محطة لتحلية مياه البحار في العالم ( هاد الخبر تنشر فشهر غشت) ، و انا نقول واو ولاو عندنا مؤهلات عظمى فالبلاد لي تقدر تدير بحال هاد المشاريع، ولكن اكتشفت من بعد انه حنا ك دولة نامية ديما خاص لي يشد ف يدينا ايلا غادي نديرو شي حاجا وهادي مسألة طبيعية وكاتوقع عند احسن الدول فالعالم ، هاد المرة اسبانيا هي الدولة لي وقع معاها المغرب اتفاق و بالضبط شركة " ابنغوا " باش يبنيو محطة ل تحلية مياه البحر و لي كاتخدم بالطاقة الشمسية وطبعا هدشي في اطار الحفاظ على البيئة ودكشي .

- المحطة غادي تنتج ما يقارب 275000 متر مكعب فاليوم ديال الماء ،شي غادي يتوجه للغذاء و شي للفلاحة ( الري ) و هاد المحطة غاتأنسطالا بسوس حيت هاد الجهة كاتصدر منتوجات فلاحية ضرورية بحال ماطيشا ، ليمون ، البنان الخ . و بالنسبة للعقد ، ف شركة ابنغوا غادي تكلف بعمليات البناء و كلما هو هندسي و اداري وتقني مدة 27 سنة 😂..مدة طوييييلة ، وهوما لي مكلفين بكولشي ..
عموما انا ماشي ضد الشركات الاجنبية لي كايديرو مشاريع فالمغرب بسميتنا ولكن يا ريت حتا حنا شي نهار نقدو نديرو مشاريع مغربية واخا غي 50 فالمية دالعمل ، ماشي بالضرورة نديرو كولشي علما ان بحال هاد المشاريع كاتساهم بشكل كبير ف توفير فرص شغل خاااصة للعمال اما بالنسبة للتقنين والمهندسين ماعنديش فكرة واش غادي يخدمو مع الطاقات الوطنية وللا غايجيبو طااقات اجنبية فهاد المشروع و في كل الاحوال بادرة طيبة من المغرب ...

#خربشات_مريم_بنعلي