رقصة الهاكا العجيبة

بزاف منكم غادي يكونو شافو  فيديو ديال ناس كايشطحو ب طريقة غريبة ف التيران او ف الاعراس ف  الفايسبوك , ودكشي علاش جمعت ليكم بعض المعلومات على تاريخ هاد الرقصة الغريبة و الدلالة ديالها التاريخية ...

-  الاسم ديال هاد الرقصة هو " الهاكا "و كايرجع الاصل ديالها  ل  نيوزلندا لي هي  دولة كاتموقع في جنوب غرب المحيط الهادئ وكاتكون من جزيرة  شمالية و جزيرة جنوبية و الهاكا  رقصة تعرفو بيها السكان الاصليين ديال نيوزلندا لي هوما شعب الماوري  , و كاتعتابر رقصة حربية لي كايستعرضوها مجموعة ديال الناس  بحيق كايقوومو بالصراخ و كايضربو رجليهم مع الارض بجججهد و ايلا تفرجتو سابقا فشي فيديو ديالها غاايبان ليكم ان الناس كايبقاو يترعدووو و يتفتفو بحال المجانين  و يقال ان هادشي راجع لاسطورة عند شعب الماوري  و لي كاتقول ان اله الشمس كانو عندو زوجتين وحدة فالصيف و وحدا فالبرد و الولد ديالو من زوجة الصيف كايتعتابر مصدر الهاكا حيث كايمثل ارتعاش الهواء فايام الصيف الحارة ...

- وكاينين حركات اخرى ايضا بحال التخنزير , شي كايطرطرق عينيه شي كايخرج لسانو وشي كايضرب ف صدرو بجهد  حيت فالاصل هاد الرقصة كانو كايأديوها محاربي الماوري قبل الحروب باش يخلعو العدو وحاليا راه كانشوفو هاد الرقصة كاتعرض قبل مباريات كرة القدم ديال نيوزيلندا ف اللقاءات الدولية باش يضهشرو العدو و ماشي ديما هي مرتبطة بالقتال و النزال ف ايضا كاتدار ف المناسبات بحال الاعراس و ايضا ف حفلات استقبال الضيوف المهمين و فالجنازاب و  حتا ف المداررس و غادي نخلي ليكم مجموعة من الفديوات لي كاتوضح هادشي  

-رقصة الهاكا في احد الاعراس
https://goo.gl/KTqCLW
-رقصة الهاكا ف مقابلة كروية
 https://goo.gl/qAs9qj
-رقصة الهاكا لتلاميذ كايودعو الاستاذ ديالهم 
 https://goo.gl/En2hBb