واش ROBOT صوفيا كاتشكل تهديد للبشرية . ؟

-مؤخرا انتشرت فيديوات ديال واحد Robot لي دازت ف مجموعة من المنابر الاعلامية ، ولي كايعرفو الجميع انها تيتيزة ( ايلا جات المغرب هزها الما 😂 ) ، هاد روبو تصنعات على يد شركة هانسون روبوتيكس بالصين ويقال الشكل ديالها مستوحى من الفنانة الراحلة "اودري هيبورن " ، و تستخدمات اول مرة عام 2015 ، ولي كايميزها على روبوات القدام هو انها كاتقدر تضحك ، تغضب ( حذاري أزوفزافي 😂 ) ، و عموما كاتقدر تعبر على الاحاسيس ديالها حيت هي فالاصل مصممة باش تخالط الناس و تعاونهم فالحياة اليومية ديالهم وفالتالي خاصها تكون بروفيسيونيل في العملية التواصلية ، و هدشي طبيعي حيت صوفيا عندها ذكاء اصطناعي بحيث كاتقدر تميز الاوجه ديال الناس و تعالج البيانات البصرية وكاتقدر تجاوب على مجموعة من الاسئلة و في استطاعتها اجراء محادثات مع الغير و تناقش معاك بعض المواضيع ،و في احدث المحادثات ديالها مع الطاقم لي صنعها ، قاليها واحد ( صوفيا حنا زودناك ب مجموعة من المعلومات العامة و واخا راك جديدة فهاد العالم ولكن راه راسك عامر ) قالت ليه ( اذن انا طفل وعندو قاموس فراسو ) قاليها ( غي الفرق ان الطفل ماكايقدرش يتكلم ونتي راك كاتقدري تكلمي وتعبري ) .. فضحكت صوفيا 😂 .
-وفي احد المؤتمرات سولوها واش غادي يجي شي نهار مستقبلا ايلا ولينا كانصنعو نماذج ديال الذكاء الاصطناعي غادي يحمو العالم ؟؟ ، و هي تقول للصحفي ( نوض تدوش اولدي بنتي ليا كاتفرج ف افلام دييال هوليوود بزاف ) 😂 ، و قالت ليه بالعكس الذكاء الاصطناعي غادي يعاون بنادم و يزيد بيه للقدام ( الله يجعلني نتيق اصوفيا ) ، حييث صوفيا ولي بحالها مصمين باش يطورو الذكاء ديالهم مع الوقت و هدشي لي ماكانش فالروبوتات العاديين يعني شي نهار تدور ليهم فالراس و يتقلبو عليك خصوصا وانهم ف مدة جد وجيزة كايقدرو يشدو المعلومات و يطورو المهارات ديالهم .
-صوفيا غادي تكون اول روبوت كاياخد الجنسية و ما ادراك ما الجنسية 😂 ،السعودية قررت تمنحها الوريقات ، و حااليا كاتعتابر مواطنة سعودية ، السؤال هو : واش صوفيا غادي يخصها تلبس اللباس الشرعي و تقيد بالقوانين ديال السعوديات 😂 و واش عندها الحق فالتصويت و ف جميع المسائل المدنية الاخرى ؟؟ و هنا اترك السؤال مفتوحا ...
#خربشات_مريم_بنعلي