لعبة ويجا حقيقة أم خيال ؟

اول حاجا خاصك تعرف انا الدماغ ديال الانسان خطير بزاااااف تقدر توصل بيه لشي حوايج ماكاتوقعهومش و اذا عرفتي كيفاش تحكم فيه غاتمشي بعييييد .. لعبة ويجا من الالعاب المعروفة جدااا و بمجرد تسمع سميتها كاتخلع اوطوماتيكمون حيت ديجا عندك عليها فكرة مسبقة بلي فيها الارواح و الجنون الخ ، وهنا الدماغ د بنادم كايبدا يلعب عليك و يشطحك كيما بغا ، في علم النغس كاين واحد التأثير كايتسما ( ايديو موتور ) لي تقدر تقلب عليها ف كوكل و غاتلقا الشروحات ديالها و كاتعني مجموع الحركات اللاإرادية لي كاينتجها العقل الباطني ديالك ) و تال هنا غايباليك هادشي غي تخربيق ولكن كاين الدليل..دارو العلماء بزاف ديال التجارب علا الناس ..خداو ناس مؤمنينن ب ويجا و ناس غير مؤمنين بيها ف كل الحالات كاتلقا ناس لي بداو يعلبو وهوما متيقين كاتبدا تحرك ديك اللعيبة و كاتعطي كلمات منطقية ، علا عكس الناس لي ماكايتيقوش بوجود الارواح ، كانت يا ماكاتحركش يا كايتكبتو كلمات و حروف ماعندهم حتا معنى ..للاسف مشا ليا الفيديو لي فيه هادشي ولكن عندي دليل اخر.مختصين اخرين ف العاب العقل جابو مجموعة د الناس لي كايآمنو ب ويجا ؛ و بدا كايسولو داك الروح و فعلا كانو كايخرجو كلمات منطقية تال واحد لحظة بدات واحد البنت كاتسول علا روح جدها لي مات ( واش سعيد ، باش مات ) ديييما كانو كايخرجو جمل صحاح..ولكن الباحث لي شرف على التجربة دار ليهم قالب. سد ليهم العينين باش مايبقاوش يشوفو فديك طابل ، و سولهم تاني ( اشمن عمر فاش مات جد البنت ) و تما كانت الاجابة هي جوج حروف و المباقي ديك اللعيبة جات ف الخوا ماجات ف حتا حرف 😂 وتما الصدمة كانت قوية و عاود سولهم سؤال اخر و طرا نفس البلان ..حيت مابقاش كايشوفو فالحروف و فالتالي داك اللاوعي ديالهم ماقدرش يتصرف. ويجا راه حنا لي كانحركوها ماشي هيا لي كاتحرك ..
رابط التجربة الاجتماعية :

https://youtu.be/mNk8-A1gRMo

#خربشات_مريم_بنعلي