علاش ماكانحملش بوجلود و كانتمنى يغبرو ليه الاثر نهائيا فاكادير
- واحد العشية مشؤومة قبل بضع سنوات خرجت بحالي بحال كاع ناس نشوف واحد صاحبتي وملي كنت راجعا ، بقيت غادا حدا جنب شانطي حتا داز واحد الحيوان متنكر في زي انسان ماكانعرفوش داز هو يشير عليا بالكرعين ديالو و جاب لي دقة فالمفصل ديالي و مشا هرب انا كمدتها و اصلا كان فعمري 14 سنة و وصلت لدار و انا كانحس بالالم ، الواليد كايقولي غي قولي شكون هاد الحيوان نمشي نتفاهم معاه ، للاسف كان مغطي وجهو ، تفدعت ف يدي و تنفخات ليا سيمانا ، و كرهت شي حاجا سميتها بوجلود ، ولكن العام لي تابعو كنت خرجت مع الوالدة لي عارفا راسي محمية ايلا كانت معايا حيت ماشي داك نوع د الامهات لي غادي يخلي شي حمار مع احترامي للحمير يقيس ولادو ، فداك نهار بالضبط غادي نشوف بنت فساحة اسايس مدورينها 5 و غادي يضربوها حتا تسخف و اخرى كايضربها واحد فالعنق و كايطيحها ارضا و كلشي كايتفرج ، و هنا كايتحول الباروك لي كنا كانعرفو ملي كنا صغار ل تصفية حسابات ، لي عندو شي مشكل مع شي وحداا كايتسنا تال لعيد كايلبس داك لخنز و كايبدا يتعدا على بنات ناس ، انا طبعا كانو وقفوني شحال ديال بوجلودات و لكن كاندابز معاهم و ماكانخلي حد يقيسني ف بالاضافة لانني مصابة بالحساسية من ديك ريحة د جلود ف كانعاني من الالام فالظهر و اي ضربة تقدر تدير ليا مشكل فصحتي ، و العجيب دوك لبنات لي كاياكلو دق و فرحانين ، حيت عند بالهم ان هاداك هو الصحيح ، و فالواقع راه بحالك بحال ديك لي كايعصيها راجلها و كاتقوليك غي خليه راه راجلي هاداك ...
و كنت كانقولها و نعاودهاا ، قسما بالله ايلا شي نهار خرجت و شي حد و تجرأ و قاسني حتا نساليوها ف الكويميساريا واخا يكون صاحبي روح ب روح ، حيت هاداك اعتدااااااء بزي تنكري و تحت اسم الاحتفال والضحك ، و باش نتفادى انني نخصر ضواسا مع شي حد كانفضل نجلس فدارنا و فالتالي دوك لي كايسولو عليا فين كاتكوني فالعيد ف كانقولهم : ماكانكونش و شكرا .
و كخلاصة عامة كانتمنى من الناس المسؤولين على تنظيم هادشي يشدو ف زمام الامور و يفرضو علا ناس لي كايلبسو جلود مايضربو حد ،مايقيسو حد و اذا اقتضى الامر غي كاتحط عليه الكرعينا و تحيدها كيما زمان و كاتاخد درهم و هادشي بلا مانهضرو على دوك لي كايستغلو هاد التنكر باش يكريسيو عباد الله فالشارع العام ، التنكر اه زوين ،الكرنفال زوين ، ولكن شوفو غي خوتنا لي ف اوربا ف الهالوين ، كايتنكرو و كايدقو علا ديور و كايخدو عند ناس شكلاط و الفانيد و كلشي ناشط و كايديرو مسابقات ديال احسن لباس تنكري اما عندنا فيما كاين شي حيوان كايجي يستعرض علينا القوة ديال متخفي تحت جلدة ماعز .. عزيزي راه عرفناك حيوان ماتحتاااااجش تلبس الجلود باش تقنعنا :D .
ب.س : الكلام موجه ل دوك لي كايلبسو جلود و كايتعداو على ناس .
ب.س : " التعدو على الناس " يقصد بيه ( العصا فالضهر فالرجلين او اي مكان قابل للازرراق ) او عموما اي ردة فعل كاتسبب الالم ل الناس .
ب.س : الصور المرفقة للمقال مأخودين من كووكل و تعمدت نغطي وجه الشبان باش مايجيش شي حد يقولك راني كانتاهم ناس لي فالصورة
- واحد العشية مشؤومة قبل بضع سنوات خرجت بحالي بحال كاع ناس نشوف واحد صاحبتي وملي كنت راجعا ، بقيت غادا حدا جنب شانطي حتا داز واحد الحيوان متنكر في زي انسان ماكانعرفوش داز هو يشير عليا بالكرعين ديالو و جاب لي دقة فالمفصل ديالي و مشا هرب انا كمدتها و اصلا كان فعمري 14 سنة و وصلت لدار و انا كانحس بالالم ، الواليد كايقولي غي قولي شكون هاد الحيوان نمشي نتفاهم معاه ، للاسف كان مغطي وجهو ، تفدعت ف يدي و تنفخات ليا سيمانا ، و كرهت شي حاجا سميتها بوجلود ، ولكن العام لي تابعو كنت خرجت مع الوالدة لي عارفا راسي محمية ايلا كانت معايا حيت ماشي داك نوع د الامهات لي غادي يخلي شي حمار مع احترامي للحمير يقيس ولادو ، فداك نهار بالضبط غادي نشوف بنت فساحة اسايس مدورينها 5 و غادي يضربوها حتا تسخف و اخرى كايضربها واحد فالعنق و كايطيحها ارضا و كلشي كايتفرج ، و هنا كايتحول الباروك لي كنا كانعرفو ملي كنا صغار ل تصفية حسابات ، لي عندو شي مشكل مع شي وحداا كايتسنا تال لعيد كايلبس داك لخنز و كايبدا يتعدا على بنات ناس ، انا طبعا كانو وقفوني شحال ديال بوجلودات و لكن كاندابز معاهم و ماكانخلي حد يقيسني ف بالاضافة لانني مصابة بالحساسية من ديك ريحة د جلود ف كانعاني من الالام فالظهر و اي ضربة تقدر تدير ليا مشكل فصحتي ، و العجيب دوك لبنات لي كاياكلو دق و فرحانين ، حيت عند بالهم ان هاداك هو الصحيح ، و فالواقع راه بحالك بحال ديك لي كايعصيها راجلها و كاتقوليك غي خليه راه راجلي هاداك ...
و كنت كانقولها و نعاودهاا ، قسما بالله ايلا شي نهار خرجت و شي حد و تجرأ و قاسني حتا نساليوها ف الكويميساريا واخا يكون صاحبي روح ب روح ، حيت هاداك اعتدااااااء بزي تنكري و تحت اسم الاحتفال والضحك ، و باش نتفادى انني نخصر ضواسا مع شي حد كانفضل نجلس فدارنا و فالتالي دوك لي كايسولو عليا فين كاتكوني فالعيد ف كانقولهم : ماكانكونش و شكرا .
و كخلاصة عامة كانتمنى من الناس المسؤولين على تنظيم هادشي يشدو ف زمام الامور و يفرضو علا ناس لي كايلبسو جلود مايضربو حد ،مايقيسو حد و اذا اقتضى الامر غي كاتحط عليه الكرعينا و تحيدها كيما زمان و كاتاخد درهم و هادشي بلا مانهضرو على دوك لي كايستغلو هاد التنكر باش يكريسيو عباد الله فالشارع العام ، التنكر اه زوين ،الكرنفال زوين ، ولكن شوفو غي خوتنا لي ف اوربا ف الهالوين ، كايتنكرو و كايدقو علا ديور و كايخدو عند ناس شكلاط و الفانيد و كلشي ناشط و كايديرو مسابقات ديال احسن لباس تنكري اما عندنا فيما كاين شي حيوان كايجي يستعرض علينا القوة ديال متخفي تحت جلدة ماعز .. عزيزي راه عرفناك حيوان ماتحتاااااجش تلبس الجلود باش تقنعنا :D .
ب.س : الكلام موجه ل دوك لي كايلبسو جلود و كايتعداو على ناس .
ب.س : " التعدو على الناس " يقصد بيه ( العصا فالضهر فالرجلين او اي مكان قابل للازرراق ) او عموما اي ردة فعل كاتسبب الالم ل الناس .
ب.س : الصور المرفقة للمقال مأخودين من كووكل و تعمدت نغطي وجه الشبان باش مايجيش شي حد يقولك راني كانتاهم ناس لي فالصورة
