ملي كاتكون نتا مخرج ومراتك سيناريست ' محمد بايازيد '

واحد المخرج سوري معروف جدا سميتو " محمد بايازيد" ادعى انه تعرض ل محاولة الاغتيال و طول الايام السابقة كان كايبوسطي للناس القصة لي طرات ليه ، و مراتو ايضا ماقصراتش ف صفحتها الفايسبوكية بالمنشورات و للاشارة فهي كاتبة سيناريوات ، المهم كل ساعة كاتلوح بوسط كاتعطي التطورات ديال حالة زوجها الصحية لي كانت كاتحسن يوم بعد و قالت انه اصبح بخير و رجعو سبب محاولة الاغتيال ديالو ل الفيلم الجديد " النفق " لي خدام عليه سي بايازيد و لي كايهضر على المعتقلين السياسين بسجن " تدمر " العسكري لي كايواجهو اسوء انواع التعذيب و كايعاود على المعاناة ديال دوك ناس لي دخلو للحبس بدون اي ذنب ، و من الدعاية ديال الفيلم كايبان انه فيلم واعر و من الاصل فالمخرج محمد بايازيد ملقب بالمخرج الهليودي لان اغلب افلامه ناجحة جدا ، المهم الصديق ديالو " الصحفي سلامة عبدو " قال ل الاعلام ان المخرج ديالنا تعرض للطعن ف اسطنبول على مستوى الصدر و هو لي داه للمستشفى باش يتلقى الاسعافات الاولية ، المهم الناس كاع تيقو هدشي و المخرج و صاحبو بقاو كايعاودو نفس الاسطوانة لجميع المنابر الاعلامية بحال قناة العربية ومجموعة من القنوات الاخرى ، و قبل يومين انفجرت القنبلة ، تسربو بعض الفيديوات لي كايبينو ان المخرج بايازيد غي طالقها على البشري و لم يتعرض للاغتيال وانما استغل الثورة باش يدير للفيلم ديالو البوووز و يلقى ليه ممولين و داعمين و ايضا يجلب استعطاف الناس ، طبعا هو نكر هادشي و بدا كايعطي بعض التبريرات واليوم هو ومرتو سدو الصفحات ديالهم على الانترنت ، وجميع المنابر الاعلامية الشرقية تتحدث عن هذه الفضيحة ، اكيد بيازيد غادي يخسر الجمهور ديالو حيت هو ماكانش ف حاجة بحال هاد السنريوات باش ينججح العمل ديالو و عموما اظن ان الفيلم غادي يدير البوز في كل الاحوال و لكن المشاهد غادي يفقد ثقته ف هاد المخرج الكبير . ايوا هادشي لي كايطرا ملي كايكون راجل مخرج ومراتو سيناريست و صاحبو صحفي 😂 .
- نبذة عن المخرج : https://goo.gl/xLP1K9
-اعلان فيلم النفق : https://youtu.be/CF9LOgPLuHI
-رابط حوار رفيق المخرج مع قناة العربية حول محاولة الاغتيال : https://youtu.be/Q1GgoEEfXwY