كيما كاتعرفوو الهالويين هو واحد من الاعياد المشهورة لي كايحتافلوو بيه الغرب و كايلبسوو شي تواشااا فشكال و كايدورو على الديور باش يجمعوو الشكلاط و ما تيسر من الحلوى لي كاتصاوب بالدقيق و الخميرة طبعا 3:) ، و ف الهالويين كايخصك تضبر على شخصية واعرا و تقمصهاا و تضرب ليا نعاماس الاكسوسوارات و الألاعيب و داكشي باش تبان ناضي قدام عشرانك...ولكن هاد العام بان واحد اللباس غريب او بالاحرى هو مألووف غير البلاصة فاش تستعمل لي فشكال شويا ، خوتنا ديال بلاد العم سام بغاو يطنزوو شويا ، ايوا اسيدي شي وحدين مشاو بعيييد ولبسو البذلة ديال داعش و دارو التقصير و هزو السيووفا و الراية الكحلا المعروفة لي مكتووب عليها جملة التوحيد و تنشروا بزاف د الفيديوات ديال الضحك و الفاينات الامريكية لي كايهضروو على الهالويين و كايديرو هاد القالب ، زعما دراري كايكونوو محتافلين حتاا كايدخل عليهم شي حد لابس داعش و كايطردوه من الحفل حيت خايفيين لايجيو البوليس و يغلطوو فيه و يجمعو نم كاامل للحبس ، و كاين لي كايشوف ان هاد المسألة فيها تهكم اكثر من اللازم خصوصاا ملي كايبداو يقولو الله و اكبر و هازيين الراية لي فيها التوحيد يعني بحال ايلا كايجمعوو المسلمين كامليين في قفة وحدة و كاينسبوهم للدواعش ، و كاين لي شاف المسألة عادية جداااا و اعتبرها سخرية لا ضرر فيهااا و ساركازم كايتها ساركازم ، الحاصول البلدان ديالنا الاسلامية ايلا تشهروو بشي حاجة في اغلب الاوقات كاتكون سلبية و ماكانتجوش شي شخصية كاتحممر الوجه و هادشي كايحطنا في موااااقف بااااايخاااا
