ايلا سولتكم على الناس لي دارو انجازات ف العلوم فأكديد غادي تقولوا ليا " اينشطاين " ولا " نيوتن " ولكن كاين واحد السيد لي عطااا بزاف للعلوم و ساهم ف تطوير بزاف ديال المفاهيم ..هاد الساط سميتو " شرودينغر " و أكيد اي واحد كايقراا تخصص علمي ف الدراسات الجامعية غادي يتعرف عليه و يقول " ياربي السلامة " لأن شرودينغر تربط الاسم ديالوو بأكثر الدروس تعقيداا فالشعب الفيزيايئية ولكن شكووون هو ارفين شرودينغر ؟
صاحبنا تزاد ف 1887 ف النمسا و بالضبط ف مدينة فيينا , كان بوحدو عند واليديه . من صغرو كان عندو خيال واسع و كان كايموت على شي حاجة سميتها العلوم و العجيب انه كان كايعشق كذلك الادب و خصوصا الشعر الاماني ولكن ماختارش هاد الشعبة ف الدراسة ديالوو حيت ماكانش كايحمل الحفاضة و ماكايبغيش يتقيد بداكشي لي ف الكتب و كان عزيييز عليه يبدع و اي حاجة طاحت على يديه كايقلبها رأسا على عقب كايخلي فيها لمسة شرودينغرية ...وملي كبر صديقنا قرا اربع سنوات ف واحد الجامعة ف فيينا ..السيد قراا و عممر راسوو مزيااان و خصوصا انه كان متأثر ب واحد البروفيسور ديال الفيزياء النظرية عندهم ف لافاك و قدر انه يجمع بزاف د لباكاج ف رااسو .. و فعام 1921 اصبح استاذا للفيزياء في جامعة فروتسواف (بريسلاو) في بولندا, و من موراها جمع شطايطوو و مشا لجامعة زيوريخ و فهاد الفترة كان باحث و كان كايدرس كل ما يخص الحرارة النوعية للأجسام الصلبة و شي تواشا ف الترموديناميك والأطياف الذرية الخ ..المهم السيد كان ملم بالفيزياء النظرية ولكن ف عام 1926 شرووددينغ غادي يدير بوووووم ف العالم بالاكتشاف ديالو الخطير و المعادلة لي كاع دراري د الفيزيك غادي يكونو شافوها , انها معادلة شرودينغر او المعادلة الموجية لي كاتقدر تفسر لينا الطيف ديال الهيدروجين و شرودينغر بالاكشافات ديالو قدر وصف حالات الإلكترون الكمومية في ذرة الهيدروجين، لموهيم شرودينغر فسر لينا الطبيعة الغريبة ديال الالكترون على عكس الميكانيك كلاسيك و قدر يثبث لينا بلي الالكترون عبارة عن " موجة-جسيم" يعني مرة كايتصرف كموجة و مرة كجسم و بسباب هاد الاكتشاف العظيم حصل على جائزة نوبل للفيزياء ف سنة 1933 و هاد العجب لي جاب لينا راه ليومنا هذا كايستخدموه العلماء باش يفسروو بزاف ديال الظواهر ف الطبيعة الدقيقية يعني داكشي لي صغيييير بزااااف و فالتالي شرودينغر دار لينا القنطرة باش نقدرو نتواصلوو مع هاد الجسيمات و نحسوو بيهم و داكشي...اما ف الواقع فراه ساهمت في تطوير أجهزة الحاسب الآلي عبر أشباه الموصلات ، والترانزستور.
ايوا من موراهاا مشا ل المانيا باش يخلف " بلانك " و تما لقاا كاع داكشي لي محتاج ف ميدان العلوم ولكن فديك الوقت كان طلع" هتلر" للحكم و القضية تكفسااات عليه ب البيان و قرر يخرج من المانيا و مشا ل انجلترا ف جامعة اوكسفورد و شويا مشا للجامعة برينستون و عرضوو عليه خدما فييكس ولكن شرودينغر توحش بلادووو و قرر يرجع للنمسا ف 1936 و قبل المنصب ديال العمل لي تعرض عليه ..ولكن صاااحبنا ماعندو زهر فنفس الوقت لي رجع لبلادو ألمانيا ضمت النمساا اليها و هوا كان مخسسسر ضوصا مع المانيا مللي هجرها ف ديك الفترة وهادشي كايتعتابر تصرف غير حبي ..وداكشي علاش هرب ل ايطاليا و من موراها داز ل ايرلنداا و واصبح مدير مدرسة الفيزياء النظرية ف دبلن ..وبقا تما حتا تقاعد ف 1955 ايوا من موراها بمدة عيااا و رجع ل فييناا و عطاوه واحد المنصب تشريفي وللاسف المرض قضااا عليه و مات ف 1961.
و عموما واخا شرودينغر هوا لي وضع الاسس ديال ميكانيك الكم و لكن ماكانش متافق مع داك الوصف الثنائي للمادة و فالتالي دار ديك التجربة ديالو المعرووفة " قطة شرودينغر " لي تقدروو تبحثوو عليها و تفهموو شنو كان كايقصد بيها وعموما شرودينغر كان واعر بزااف و بحاللو بحال اينشتيان دوز اخر سنوات حياتوو كايحاول يدمج مابين الجاذبية و الكهرومغناطسية .. وعندو بزاف د المؤلفات " اربع محاضرات على ميكانيك الكم ...الديناميكا الحرارية الاحصائية و كتاب ماهي الحياة ..."
كل الاحترام ل شرودينغر .
#خربشات_مريم_بنعلي
صاحبنا تزاد ف 1887 ف النمسا و بالضبط ف مدينة فيينا , كان بوحدو عند واليديه . من صغرو كان عندو خيال واسع و كان كايموت على شي حاجة سميتها العلوم و العجيب انه كان كايعشق كذلك الادب و خصوصا الشعر الاماني ولكن ماختارش هاد الشعبة ف الدراسة ديالوو حيت ماكانش كايحمل الحفاضة و ماكايبغيش يتقيد بداكشي لي ف الكتب و كان عزيييز عليه يبدع و اي حاجة طاحت على يديه كايقلبها رأسا على عقب كايخلي فيها لمسة شرودينغرية ...وملي كبر صديقنا قرا اربع سنوات ف واحد الجامعة ف فيينا ..السيد قراا و عممر راسوو مزيااان و خصوصا انه كان متأثر ب واحد البروفيسور ديال الفيزياء النظرية عندهم ف لافاك و قدر انه يجمع بزاف د لباكاج ف رااسو .. و فعام 1921 اصبح استاذا للفيزياء في جامعة فروتسواف (بريسلاو) في بولندا, و من موراها جمع شطايطوو و مشا لجامعة زيوريخ و فهاد الفترة كان باحث و كان كايدرس كل ما يخص الحرارة النوعية للأجسام الصلبة و شي تواشا ف الترموديناميك والأطياف الذرية الخ ..المهم السيد كان ملم بالفيزياء النظرية ولكن ف عام 1926 شرووددينغ غادي يدير بوووووم ف العالم بالاكتشاف ديالو الخطير و المعادلة لي كاع دراري د الفيزيك غادي يكونو شافوها , انها معادلة شرودينغر او المعادلة الموجية لي كاتقدر تفسر لينا الطيف ديال الهيدروجين و شرودينغر بالاكشافات ديالو قدر وصف حالات الإلكترون الكمومية في ذرة الهيدروجين، لموهيم شرودينغر فسر لينا الطبيعة الغريبة ديال الالكترون على عكس الميكانيك كلاسيك و قدر يثبث لينا بلي الالكترون عبارة عن " موجة-جسيم" يعني مرة كايتصرف كموجة و مرة كجسم و بسباب هاد الاكتشاف العظيم حصل على جائزة نوبل للفيزياء ف سنة 1933 و هاد العجب لي جاب لينا راه ليومنا هذا كايستخدموه العلماء باش يفسروو بزاف ديال الظواهر ف الطبيعة الدقيقية يعني داكشي لي صغيييير بزااااف و فالتالي شرودينغر دار لينا القنطرة باش نقدرو نتواصلوو مع هاد الجسيمات و نحسوو بيهم و داكشي...اما ف الواقع فراه ساهمت في تطوير أجهزة الحاسب الآلي عبر أشباه الموصلات ، والترانزستور.
ايوا من موراهاا مشا ل المانيا باش يخلف " بلانك " و تما لقاا كاع داكشي لي محتاج ف ميدان العلوم ولكن فديك الوقت كان طلع" هتلر" للحكم و القضية تكفسااات عليه ب البيان و قرر يخرج من المانيا و مشا ل انجلترا ف جامعة اوكسفورد و شويا مشا للجامعة برينستون و عرضوو عليه خدما فييكس ولكن شرودينغر توحش بلادووو و قرر يرجع للنمسا ف 1936 و قبل المنصب ديال العمل لي تعرض عليه ..ولكن صاااحبنا ماعندو زهر فنفس الوقت لي رجع لبلادو ألمانيا ضمت النمساا اليها و هوا كان مخسسسر ضوصا مع المانيا مللي هجرها ف ديك الفترة وهادشي كايتعتابر تصرف غير حبي ..وداكشي علاش هرب ل ايطاليا و من موراها داز ل ايرلنداا و واصبح مدير مدرسة الفيزياء النظرية ف دبلن ..وبقا تما حتا تقاعد ف 1955 ايوا من موراها بمدة عيااا و رجع ل فييناا و عطاوه واحد المنصب تشريفي وللاسف المرض قضااا عليه و مات ف 1961.
و عموما واخا شرودينغر هوا لي وضع الاسس ديال ميكانيك الكم و لكن ماكانش متافق مع داك الوصف الثنائي للمادة و فالتالي دار ديك التجربة ديالو المعرووفة " قطة شرودينغر " لي تقدروو تبحثوو عليها و تفهموو شنو كان كايقصد بيها وعموما شرودينغر كان واعر بزااف و بحاللو بحال اينشتيان دوز اخر سنوات حياتوو كايحاول يدمج مابين الجاذبية و الكهرومغناطسية .. وعندو بزاف د المؤلفات " اربع محاضرات على ميكانيك الكم ...الديناميكا الحرارية الاحصائية و كتاب ماهي الحياة ..."
كل الاحترام ل شرودينغر .
#خربشات_مريم_بنعلي
