#رحلة_داخل_الذرة1
هضرت ليكم من قبل على كيفااش كايتزوجوو الذرات خصوصا صحاب التعدد و هضرت ليكم ايضا على الماء و الخاصيات ديالو الحراايمية ولكن ماعمري حاولت نقربكم من الذرة بحد ذااتهااا وهادشي لي غادي ندير اليوم و اعتبروها رحلة لاستكشااف الذرة لي غادي نستحضر فيها العصاارة ديال داكشي لي قريت ف علوم الذرة .
اول حاجة تقدر طيح فبالكم هي فين نقدرو نلقاو هاد الذرات و الجواب هو " حداك, موراك , ف الداااااخل ديالك و فكل مكان يا اصدقاء " .نعم الذرة هي لي كاتكون لينا المادة فمثلا ايلا شديتي قطعة صغيرة ديال الحديد او الذهب او النحاااس او الزنك الخ وحطيتيها ف الميكروسكوب غادي يبان ليك بلي راه مكون من مجموووعة من الذرات المتراصة فيما بينها و حتا الطريقة باش كايتستفوو دوك الذرات راه غير عشوائية و كاين قانون لي كايحكمهم وهنا غادي ندخلوو فمفاهيم اخرى لي ماكاتهمناش حاليا , و هاد العناصر لي ذكرت ليكم دابا كلها عناصر غير حية ولكن واش العناصر الحية بحال الانسان حتا هي فيها الذرات ؟؟ الجواب هو نعم , ف كيما كاتعرفوو الجسم ديال الانسان مكون من خلايا و فكل خلية فيها نواة و كل نواة بدورها كاتكون من جزيئات ولكن أش كايكونو هاد الجزيئات ؟..الجزيئات يا صديقي هوا داك الترابط ديال مجموعة من الذرات يعني ملي كايتزوج الاكسجين مع زوج هيدروجينات باش يكون لينا ' الماء ' لي كانشروبو ف مابقاتش هاديك ذرة ولكن كاتسمى جزيئة .
الذرة يا اصدقائي صغيرة بزااااااااف و القد يدالها كايساوي عشرة أس ناقص عشرة متر , اي جزء من عشرة مليار من المتر ولي كايساوي " 1 انغستروم " و الانغستروم هي وحدة للقياس نسبة للعالم آندرز أنغستروم ... وهادشي اصغر ماكاين ف العناصرة الكيميائية. والذرة خفيفة بزاااااااف وكل ذرة كاتكون من نواة و الكتروناات لي كايدوورو عليها ف فراغ كبير.. دابا تصور معايا ايلا افترضنا ان الذرة هياا تيراان ديال الكورة ف النواة غادي تكون بحال شي حبة ديال الروز فوسط داك تيران ..تخيلتووو معايااا البلان كيفاش داير؟.. و ديك النواة راه ماخاوياش و انما تتكون من بروتونات و نوترونات , و لي خاصكم تعرفوه هو العدد ديال البروتونات يساوي عدد الالكترونات في كل ذرة والفرق هو ان الالكترونات عندهم شحنة سالبة و البروتونات عندهم شحنة موجبة و كيما كانعروفو السالب كايجذب المووجب وفالتالي غادي يتحاابوو بيناتهم و غادي تكون تما قوى ديال التجاذب. ايوا بقاو لينا دوك النوترونات و الشحنة ديالهم راها محااااايدة و مثلا ايلا شدينا عنصر الكربون ف غادي نلقاو عندو ستة ديال البروتونات لي كانرمزو ليهم بحرف " زيد بالفرنسية " و قلنا بللي عدد الالكترونات كايساوي عدد البروتونات وف التالي حتا الالكترونات غادي يسااوي ستة و اما العدد الاجمالي ديال البروتونات زائد النترونات كايسااوي 12 و كانرمزو ليه ف الذرة بحرف " ا " بالفرنسية , و كايتسماا ايضا العدد الكتلي ..وايلا بغيتو تعرفوو لاكارط ناصيونال د العناصر الكيميائية كاملين ماعليكم الا تضربو طليلة ف الجدول الدوري للعناصر الكميااائية .. دابا توضحات لينا شويا كيفاش دايرا الذرة من الداخل و لكن لمووشكيل لي تطرح هادي سنييين هو نمووذج الذرة يعني كيفاش داير ف الوااقغ و شنوو كايطرا تما بالضبط و هذا موضووع كبير شويا حيت كايجي عالم كايقوولك حكاا راه الذرة دايرا هكا شويا كايجي عالم اخر كايعطي نموذج اخر ولكن ايلا كنتي يا صديقي ماقريتي الفيزيك من يامات للليسي فاعلم ان النموذج لي قريتي راه غير مضبوط وعطاوكم غير النماذج الاولية و داكشي علاش غادي نحاول نشرح ليكم ف الجزء القادم بالتفصيل ثلات نماذج لي قلبات مفاهيم الذرة رأسا على عقب.
يتبع .
#خربشات_مريم_بنعلي
هضرت ليكم من قبل على كيفااش كايتزوجوو الذرات خصوصا صحاب التعدد و هضرت ليكم ايضا على الماء و الخاصيات ديالو الحراايمية ولكن ماعمري حاولت نقربكم من الذرة بحد ذااتهااا وهادشي لي غادي ندير اليوم و اعتبروها رحلة لاستكشااف الذرة لي غادي نستحضر فيها العصاارة ديال داكشي لي قريت ف علوم الذرة .
اول حاجة تقدر طيح فبالكم هي فين نقدرو نلقاو هاد الذرات و الجواب هو " حداك, موراك , ف الداااااخل ديالك و فكل مكان يا اصدقاء " .نعم الذرة هي لي كاتكون لينا المادة فمثلا ايلا شديتي قطعة صغيرة ديال الحديد او الذهب او النحاااس او الزنك الخ وحطيتيها ف الميكروسكوب غادي يبان ليك بلي راه مكون من مجموووعة من الذرات المتراصة فيما بينها و حتا الطريقة باش كايتستفوو دوك الذرات راه غير عشوائية و كاين قانون لي كايحكمهم وهنا غادي ندخلوو فمفاهيم اخرى لي ماكاتهمناش حاليا , و هاد العناصر لي ذكرت ليكم دابا كلها عناصر غير حية ولكن واش العناصر الحية بحال الانسان حتا هي فيها الذرات ؟؟ الجواب هو نعم , ف كيما كاتعرفوو الجسم ديال الانسان مكون من خلايا و فكل خلية فيها نواة و كل نواة بدورها كاتكون من جزيئات ولكن أش كايكونو هاد الجزيئات ؟..الجزيئات يا صديقي هوا داك الترابط ديال مجموعة من الذرات يعني ملي كايتزوج الاكسجين مع زوج هيدروجينات باش يكون لينا ' الماء ' لي كانشروبو ف مابقاتش هاديك ذرة ولكن كاتسمى جزيئة .
الذرة يا اصدقائي صغيرة بزااااااااف و القد يدالها كايساوي عشرة أس ناقص عشرة متر , اي جزء من عشرة مليار من المتر ولي كايساوي " 1 انغستروم " و الانغستروم هي وحدة للقياس نسبة للعالم آندرز أنغستروم ... وهادشي اصغر ماكاين ف العناصرة الكيميائية. والذرة خفيفة بزاااااااف وكل ذرة كاتكون من نواة و الكتروناات لي كايدوورو عليها ف فراغ كبير.. دابا تصور معايا ايلا افترضنا ان الذرة هياا تيراان ديال الكورة ف النواة غادي تكون بحال شي حبة ديال الروز فوسط داك تيران ..تخيلتووو معايااا البلان كيفاش داير؟.. و ديك النواة راه ماخاوياش و انما تتكون من بروتونات و نوترونات , و لي خاصكم تعرفوه هو العدد ديال البروتونات يساوي عدد الالكترونات في كل ذرة والفرق هو ان الالكترونات عندهم شحنة سالبة و البروتونات عندهم شحنة موجبة و كيما كانعروفو السالب كايجذب المووجب وفالتالي غادي يتحاابوو بيناتهم و غادي تكون تما قوى ديال التجاذب. ايوا بقاو لينا دوك النوترونات و الشحنة ديالهم راها محااااايدة و مثلا ايلا شدينا عنصر الكربون ف غادي نلقاو عندو ستة ديال البروتونات لي كانرمزو ليهم بحرف " زيد بالفرنسية " و قلنا بللي عدد الالكترونات كايساوي عدد البروتونات وف التالي حتا الالكترونات غادي يسااوي ستة و اما العدد الاجمالي ديال البروتونات زائد النترونات كايسااوي 12 و كانرمزو ليه ف الذرة بحرف " ا " بالفرنسية , و كايتسماا ايضا العدد الكتلي ..وايلا بغيتو تعرفوو لاكارط ناصيونال د العناصر الكيميائية كاملين ماعليكم الا تضربو طليلة ف الجدول الدوري للعناصر الكميااائية .. دابا توضحات لينا شويا كيفاش دايرا الذرة من الداخل و لكن لمووشكيل لي تطرح هادي سنييين هو نمووذج الذرة يعني كيفاش داير ف الوااقغ و شنوو كايطرا تما بالضبط و هذا موضووع كبير شويا حيت كايجي عالم كايقوولك حكاا راه الذرة دايرا هكا شويا كايجي عالم اخر كايعطي نموذج اخر ولكن ايلا كنتي يا صديقي ماقريتي الفيزيك من يامات للليسي فاعلم ان النموذج لي قريتي راه غير مضبوط وعطاوكم غير النماذج الاولية و داكشي علاش غادي نحاول نشرح ليكم ف الجزء القادم بالتفصيل ثلات نماذج لي قلبات مفاهيم الذرة رأسا على عقب.
يتبع .
#خربشات_مريم_بنعلي
