على واحد الفيلم لي دار خبلة ف الهند سميتو " بي كي " , فيلم لي تمنع العرض ديالو حيت قاس قضية حساااسة بزاف خصووصا ف مجتمع بحال الهند لي كايامن بشي معتقدات فشكل , وكما العادة الممثل البليودي" امير خان" عودنا على الافلام ديال المعقول و لي الهدف ديالها الرئيسي هواا توكض بنادم و فهاد الفيلم كايبان بلي كايهاجم بطريقة مباشرة الاديان الغير السماوية في الهند , و القصة ديال الفيلم كاتدور حول واحد المخلوق لي نزل من واحد الكوكب اخر للارض و بغا يرجع للموطن دياللووو و فالتالي ملي كايمشي عند الناس كلهم كايقولو ليه " ادعوا الله هو من يستطيع مساعدتك " و من هنا بدات الرحلة ديال البطل عن الله ولكن صديقنا لقا راسوو فوسط واحد الشعب لي مخلط " البوذيين ..المسيحيين ..المسلمين ..الخ " و هنا بدا كايطرح اسئلة لي غلب عليها الطابع الكوميدي في اطار حشيان د الهضرة , خصووصا للناس لي كايعبدو الابقار و الاصنام و البطل واخا نية لكن ذكي حيت كايشوف ناس كاتعبد الهة وهوما لي صنعهم و كايمسحوهم و يغسلوهم يعني كيفاش كاتخلق اله بيدك و كاتعبدو ؟ وملي كايتهرس كاتنوض نتا تصلحو ..يعني الله ماقادرش حتا يحمي راسو باش يحميك نتا .. و تناول الفيلم كذلك موضوع رجال الدين لي كايتاااجروو بالدين من اجل المصالح ديالهم مثلا دوك لي كايكونو ف المعابد البوذية كايقولهم جيب ليا قدا وقد ديال الفلووس باش الله يرضي عليك و يحقق الرغيات ديالك ولكن والوو السيد كايتسنااا حتا كايعيا و هاد الاله ماتسوقش ليه و فالتالي البطل حس بخيبة الامل وخصوصا فبعض المعتقدات كايخصك تعرض راسك للذل و تجر راسك مع الارض و هنا كايقول البطل ان اله مايمكنش يذل المخلوقات ديالوو بهاد الطريقة و ضرب على دوك المعابد الهندية . يعني هنا كانهضرو على الطنز بصريح العبارة و نفس المسألة بالنسبة لكاع رجال الدين الذين يغتنوون عن طريق الدين ..و كذلك ناقش مسألة عدم اسقاط بعض الصفات على الناس من خلال المظهر دياهم يعني الملتحي ماشي بالضروري مسلم او ارهابي و كذلك الغير محتجبة ليست كافرة او غير خلوقة و ايضا و لي كايلبس ديك العمامة ماشي بالضرورة راه هندويسي ..المهم دار واحد البلان كوميدي و زوين بزاف ف الفيلم لي غادي يشرح بيها هاد القضية و كذلك ملي كان كايبحث ف الاديان طراو ليه شي ستوونات ديال الحماق من دين للدين ,شي حاجة بزاف .. و عموما ف نهاية الفيلم غادي يختم لينا بواحد المقولة جميلة جدا " لا نعلم شيئاً عن الإله الذي خلقنا، لكن الإله الذي خلقتموه يشبهكم تماما .. كاذب، مُتصنّع، يعطي وعوداً كاذبة، يلبي رغبات الأغنياء ويضع الفقراء على قائمة الإنتظار، أما الإله الذي خلقنا فأضع كل ثقتي به، يدعونا إلى مساعدة الفقراء، يدعونا إلى حُسن المعاملة، لا يطلب أموالاً ولا قرباناً ولكن كل مايطلبه هو طاعته في الخير وحب الناس .. هذا هو إلهي "
.بلا مانحرق عليكم الفيلم راه فيه بزاف مايتشااف ..انصحكم ب مشاهدته .
#خربشات_مريم_بنعلي
.بلا مانحرق عليكم الفيلم راه فيه بزاف مايتشااف ..انصحكم ب مشاهدته .
#خربشات_مريم_بنعلي
