اليوم غادي نهضر ليكم على واحد الشخصية لي ماشي بحالهم و دارت بووووم ف اواخر القرن الماضي , انه كورت كوبين يا سادة المغني الرئيسي ديال فرقة نيرفانا و عازف الجيتار كذلك , تزاد كورت ف حي فقيرب ولاية واشنطن في عام 1967..عاش حياااتو عادي بحال كاع المراهقين وكان كايعشق شي حاجة سميتها الغناء و الغيتار و الفن عامة و كان من اكبر المعجبين ديال فرقة " البيتلز" .
في سنة 1978 تلاقا كورت ب واحد ساط سميتو " كريست نوفوسيليتش" و كان كايقصر معاه لجيتار ف شحال من فرقة و من مورا سبع سنوات تماما أسس هاد الثنائي الفرقة الاسطورية " نيرفانا " و لي كاتضم كذلك عازف الدرامز" ديف جرول" ...و أكيد بزاف منكم غادي يسول شنو كاتعني كلمة " نيرفانا " و الجواب هو ان اصل الكلمة بوذي و كايعني واحد الحالة لي كايصول ليها الانسان من مورا ساعااات طويلة ديال التأمل و اخماد الرغباات.. يعني ماكايبقااش عارف شنو داير بيه و كاينفاصل الانسان عن الحياة الخارجية و الهدف من هاد " النيرفانا " هو شحن طاقات الروح باش توصل للسعادة القصوى و الراحة و هي اعلى مراتب السلاااام التام للروح و بزاف ديال الفلاسفة استخدموا هاد المسطلح ف أكثر من مناسبة و على رأسهم الفيلسوف" شوبنهاور " .
فرقة نيرفانا كانت كاتغني ستايل ديال " الغرانج " لي تفرع من " الروك " غير الفرق الوحيد هو ان الروك كايغني على الحب و السلام و الجنس و الاحزاب و الغرانج كان الهدف ديالو الاول هو مهاجمة الدولة و التمرد عليها و المواضيع لي كااتهضر على الحرية المطلقة للانسان , يعني خووتنا كانوا ثائرين و ضاااسرين و منوضين الروينة , و مع الاصدار ديال اول الابومات ديالهم دارو بلبااالة ف العالم , و جميع الشركات ديال الانتاج كانت حاطة عليهم العين لدرجة ان دياسك ديالهم كانو كايدوزو سبعين الف مرة ف قناة" ام تي في " و اعتبرت النشيد الوطني ديال داك الجيل.. ايواا فجأة كورت لي كان عايش ف حي فقير سرعان ما دار الصرف هو و صحابوو و انتقل لحي الجديد ولكن كورت ماكانش كايحمل الشهرة نهااااائيا وماكانش فرحان بيها و حتا من الفرقة كاملا حيتاش خافوو لا الناس مايكونوش فاهمين الكلمات ديال دياسك ديالهم حيت المعنى ديال اغانيهم كبير و قليل لي غادي يفهم العووومق و ما ادراك ما العوومق , خصوصا و ان كورت كان تعرف عليه بالمواقف ديالوو الحادة اتجاه بعض المواضيع لي حتا حد ماكان كايتجرأ يهضر عليه قبل عشرين سنة.. مثلا ملي علن على الدعم ديالو الكامل ل المثليين و وكان كايهضر على الاغتصاب و حقوق المرأة الخ ..و فديك الوقت نيت تعررف على واحد ساطة سميتها" كورتني لوف" و بغاها وبغااتو و تزوج بيها و ولد معاها بنت "سميتها فرانيسيس" لي غادي تكون دابا ف العشرينيات من عمرها ..هادشي كولشي كان طووب و بيخير ولكن اذكر ان كورت ماكانش سعيد بديك الشهرة و اصبح مدمن على المخدرات و حاول ماشي مرة ماشي زوج ينتااحر, و فعام 1994 و قعات الكارثة لقاوه ميت و مضروب ب قرطاسة للراس بعدما كلا جرعة زاائدة ديال المخدرات و اللغز ديال الموت ديالو محير ليومنا هذا و حتا حد ماقدر يفهم شنو طرا و جرا ..و يقال خلا رسالة قبل موته كان كايهضر فيها مع صديق افتراضي و لي كايقول ليه بلي ماكانش سعيد مع انه كان كايبغي كاع الناس لي دايرين بيه و كان كايدير اقصى المجهودات ديالو باش يعيش ديك السعادة لي كايقلب عليها ولكن والو و يقول كذلك انه ماقادرش يتصور ان الابنة ديالو ف المستقبل تولي مغنية ديال الروك بائسة لي غادي تخرب راسهاا و يكونو عندها ميولات انتحارية .. وباختصارقال ان الموشكيل لي عندو مع الناس حيت ملي دار سبع سنين مابقاش كايحمل الكائن البشري ..ماكانوش كايفهموه..وحيت ماقدرش يوصل لديك درجة النيرفانا قرر ينتاحر و يخلص روحو من العذاب
و فالتالي انضم كورت لقائمة نادي27 لي كاتضم الفنانين لي ماتوا فهاد السن ب سبب استهلاك المخدرات بحال جيمي هندريكس وجانيس جوبلين وجيم موريسون وبراين جونز ومؤخرا إيمي واينهاوس.
بعد الوفاة ديال هاد الاسطورة توقفوا انشطة فرقة نيرفانا و بدات كاترجع لووور ولكن واخا نيرفانا توقفات الاغاني ديالهم مازالين دايرين خبلة حيت خلاو لينا موروث موسيقي كبيير..داك الصوت الساحر ديال داك الساط البائس وللي الناس مازالين كايتسنطو ليه لومنا هذا .
حتا حد مايقر ينسا كورت
في سنة 1978 تلاقا كورت ب واحد ساط سميتو " كريست نوفوسيليتش" و كان كايقصر معاه لجيتار ف شحال من فرقة و من مورا سبع سنوات تماما أسس هاد الثنائي الفرقة الاسطورية " نيرفانا " و لي كاتضم كذلك عازف الدرامز" ديف جرول" ...و أكيد بزاف منكم غادي يسول شنو كاتعني كلمة " نيرفانا " و الجواب هو ان اصل الكلمة بوذي و كايعني واحد الحالة لي كايصول ليها الانسان من مورا ساعااات طويلة ديال التأمل و اخماد الرغباات.. يعني ماكايبقااش عارف شنو داير بيه و كاينفاصل الانسان عن الحياة الخارجية و الهدف من هاد " النيرفانا " هو شحن طاقات الروح باش توصل للسعادة القصوى و الراحة و هي اعلى مراتب السلاااام التام للروح و بزاف ديال الفلاسفة استخدموا هاد المسطلح ف أكثر من مناسبة و على رأسهم الفيلسوف" شوبنهاور " .
فرقة نيرفانا كانت كاتغني ستايل ديال " الغرانج " لي تفرع من " الروك " غير الفرق الوحيد هو ان الروك كايغني على الحب و السلام و الجنس و الاحزاب و الغرانج كان الهدف ديالو الاول هو مهاجمة الدولة و التمرد عليها و المواضيع لي كااتهضر على الحرية المطلقة للانسان , يعني خووتنا كانوا ثائرين و ضاااسرين و منوضين الروينة , و مع الاصدار ديال اول الابومات ديالهم دارو بلبااالة ف العالم , و جميع الشركات ديال الانتاج كانت حاطة عليهم العين لدرجة ان دياسك ديالهم كانو كايدوزو سبعين الف مرة ف قناة" ام تي في " و اعتبرت النشيد الوطني ديال داك الجيل.. ايواا فجأة كورت لي كان عايش ف حي فقير سرعان ما دار الصرف هو و صحابوو و انتقل لحي الجديد ولكن كورت ماكانش كايحمل الشهرة نهااااائيا وماكانش فرحان بيها و حتا من الفرقة كاملا حيتاش خافوو لا الناس مايكونوش فاهمين الكلمات ديال دياسك ديالهم حيت المعنى ديال اغانيهم كبير و قليل لي غادي يفهم العووومق و ما ادراك ما العوومق , خصوصا و ان كورت كان تعرف عليه بالمواقف ديالوو الحادة اتجاه بعض المواضيع لي حتا حد ماكان كايتجرأ يهضر عليه قبل عشرين سنة.. مثلا ملي علن على الدعم ديالو الكامل ل المثليين و وكان كايهضر على الاغتصاب و حقوق المرأة الخ ..و فديك الوقت نيت تعررف على واحد ساطة سميتها" كورتني لوف" و بغاها وبغااتو و تزوج بيها و ولد معاها بنت "سميتها فرانيسيس" لي غادي تكون دابا ف العشرينيات من عمرها ..هادشي كولشي كان طووب و بيخير ولكن اذكر ان كورت ماكانش سعيد بديك الشهرة و اصبح مدمن على المخدرات و حاول ماشي مرة ماشي زوج ينتااحر, و فعام 1994 و قعات الكارثة لقاوه ميت و مضروب ب قرطاسة للراس بعدما كلا جرعة زاائدة ديال المخدرات و اللغز ديال الموت ديالو محير ليومنا هذا و حتا حد ماقدر يفهم شنو طرا و جرا ..و يقال خلا رسالة قبل موته كان كايهضر فيها مع صديق افتراضي و لي كايقول ليه بلي ماكانش سعيد مع انه كان كايبغي كاع الناس لي دايرين بيه و كان كايدير اقصى المجهودات ديالو باش يعيش ديك السعادة لي كايقلب عليها ولكن والو و يقول كذلك انه ماقادرش يتصور ان الابنة ديالو ف المستقبل تولي مغنية ديال الروك بائسة لي غادي تخرب راسهاا و يكونو عندها ميولات انتحارية .. وباختصارقال ان الموشكيل لي عندو مع الناس حيت ملي دار سبع سنين مابقاش كايحمل الكائن البشري ..ماكانوش كايفهموه..وحيت ماقدرش يوصل لديك درجة النيرفانا قرر ينتاحر و يخلص روحو من العذاب
و فالتالي انضم كورت لقائمة نادي27 لي كاتضم الفنانين لي ماتوا فهاد السن ب سبب استهلاك المخدرات بحال جيمي هندريكس وجانيس جوبلين وجيم موريسون وبراين جونز ومؤخرا إيمي واينهاوس.
بعد الوفاة ديال هاد الاسطورة توقفوا انشطة فرقة نيرفانا و بدات كاترجع لووور ولكن واخا نيرفانا توقفات الاغاني ديالهم مازالين دايرين خبلة حيت خلاو لينا موروث موسيقي كبيير..داك الصوت الساحر ديال داك الساط البائس وللي الناس مازالين كايتسنطو ليه لومنا هذا .
حتا حد مايقر ينسا كورت
