#الشارفة_المشرملة
هاد القصة واقعية طرات ليا قبل 4 سنوات
واحد النهار ف رمضان مع 4 د العشية ،كنا خارجين انا و بعض الاصدقاء من واحد سونتر فالصيف ، و كالعادة قبل لانتفارقو كانشدو النميمة الحلال ف واحد شوكا اونفاص مع الشارع الرئيسي كانهضرو على جديد الاخبار الفنية و السياسية و كانتبادلو لمواسق ب لبلوتوث في اطار نشدو ستون خصوصا و ان اذان المغرب بعيييد ولكن هاد المرة و بينما كنا كانهضروو دازت واحد الشارفة قداامناااا و هي ترجع ادراجها لجيهتنااا ، و انا كانتلفت موراياا كانقول ياكما جايا عند شي حد اخر من غيرنا لكن لقيت الحائط ورائي و الشارفة امامي ، دقات القلب بدات كاتسارع حيت اي واحد غادي يشوف ديك السيدة غادي يتضهشر ، شكلها مفشكل ماكاتشبه حتا لبنادم عينيها مجلخيين بالكحل و هابط على جفونها..وجها عامر ب البودرة البيضة بحال الجبص و شعرها مشنتف و دايرا واحد الريحة ايلا شميتها غادي دووخ 10 ايام و لموشكيل كانقول مع راسي رمضان هادا و السيدااا مجبصا و جهها و كانعرفو جميع بلي المسلمات كايتفاداو هاد المسائل فرمضان و باش كملاتها ب دوك الضفاار الطوال المصبغيين كاتبان بحال دوك الساحرات ديال الرسوم .....و شوياا هيا تنطق و قالت لينا ''واش نتوما ولاد المدرسة ؟ عافاكوم جبدو ليا شي ورقة و ستيلو '' بدينا كانكحازوو ل لور انا و صاحبتي و خليناا الصديق لي معانا يوقف قبالتها ، شويا قلت ماعليش اش كاع غادي يطرا ؟ ..جبدت الورقة من صاكي و شديت ستيلو و هيا تقول لينا '' انا راه كانعيط ل ولدي و ما كايجاوبش ..راه عندي تينيفول ( تيليفون ) شريتو ب 20 الف ريال و ماكايدوزش ليا الخط '' و كانقول مع راسي ( اشمن خط ا الحااااجة يهديك الله ) شويا صديقي شاف ف لميكا لي هازاها معاها و بدا كايغمز ليا باش نشوف اوسي لميكاااا و بان لينا بلي البورتابل لي معاها غا نوكيا بييل و السيدة طالقا علينا السلوكية ...شويا قالت ليا عافاك ابنتي هادشي لي كانملي عليك كتبيه فالورقة ..و الرسالة كانت كالتالي '' اولدي راه كانتاصل بيك و التلفونات مطفين راه غادي نمشي للاتصالات و هانقاد داكشي و نعاود نتاصل دابا راه غادي نبيع الأراضي لي ف البلاد و غانتاصل راه كلشي التلفونات مطفيين اولدي حتا نمشي ل الاتصالات باش اقادو ليا البورتابل '' و انا من كتر ما خلعاتني و دوخني العطر لي دايرا .نص ديال الهضرة لي قالت ما كتبتهاش و لكن كنا هانتسطاو بالضحك حيت اللهجة ديالها فشكل و ديك الهضرة لي كاتقول بدون معنى و كاتعتامد اسلوب تكرار الكلام بالعربية تاعرابت بدات كادخل و كاتخرج فالهضرة .ولكن المشكل لي مافهمنااش . اش غادي دير بديك الورقة لي كتبت ليها ...صحاب لينا فالاول واش بغات ندوزو ليها شي نمرا..و لا نصيفطو ليها ميساج من عندنا..صدق قالت لينا كتبو ف ورقة ..و بدينا كانحطو الاحتمالات '' واه ويلا كانت بغات تلوح ليه ديك الورقة فالدار د ولدها ..تسناه نيت حتا يجي و تهضر معاه..مايمكنش اذن ! ...اوا ايلا بغات تصيفط ليه ف البريد ؟؟...ما يمكنش .. حيت الورقة مرونا و ماشي ديال البريد...اصلا كون بغات تصيفطها فالبريد تمشي تقولها لشي حد اخر و يصيفطها ليها ماشي تجي توقفنا اصلا هيا كانت غادا ف واحد الاتجاه غا شافتنا هيا ترجع لعندنا .دونك علاش حنا بالضبط؟هادشي مابغاش اتفهم لينا المهم مشاات و بقينا واقفين كانقولو واه '' البصمات ديالي فالورقة'' ياكما بغات تلصق فينا هادي شي تهمة ..و لا بغات تدير بيها شي حاجة ماشي تال لهيه ......المهم صاحبتي فاتي مشات للدارهوم و بقيت انا و الصديق مولود شويا كاتبان ديك الشارفة ما بعيداش عليناو انا نقوليه يالاه نتبعوها نشوفو فين غاديا بديك الورقة و تما عرفت بلي راه تصطينا ديال بصاح .((درنا فيها سويتشرز )) المهم بقينا غادين و حنا نزيدو فالسرعة تا قربنا ليها و بقينا تابعيينها تاااابعينها و شويا كاتبان غادا فالشارع فاش كاين '' الكوميساريا ''شويا كايقولي مولود ياك ماغادا هادي عند البوليس قاليااا نقصي فالسرعة...المهم شويا كاتبان لينا هاتوقف و تحديدا حدا المقاطعة ..جلسات فالارض و تلفتات و شافتنا ..واط دا فاك تفرشناااااا ...حنا نقلبو الطريق ..وخلينها و رجعنا فحالنا حيت بنادم صايم و الشمش و ماقادين على صداع ... ولكن بقا هاد السر غامض لي هوا '' اشنو بغات ديك الورقة لي كتبنا حيت ماعندها مادير بيها '' و هادشي لي غادي نكتاشفوه من بعد...يتبع ..
هاد القصة واقعية طرات ليا قبل 4 سنوات
واحد النهار ف رمضان مع 4 د العشية ،كنا خارجين انا و بعض الاصدقاء من واحد سونتر فالصيف ، و كالعادة قبل لانتفارقو كانشدو النميمة الحلال ف واحد شوكا اونفاص مع الشارع الرئيسي كانهضرو على جديد الاخبار الفنية و السياسية و كانتبادلو لمواسق ب لبلوتوث في اطار نشدو ستون خصوصا و ان اذان المغرب بعيييد ولكن هاد المرة و بينما كنا كانهضروو دازت واحد الشارفة قداامناااا و هي ترجع ادراجها لجيهتنااا ، و انا كانتلفت موراياا كانقول ياكما جايا عند شي حد اخر من غيرنا لكن لقيت الحائط ورائي و الشارفة امامي ، دقات القلب بدات كاتسارع حيت اي واحد غادي يشوف ديك السيدة غادي يتضهشر ، شكلها مفشكل ماكاتشبه حتا لبنادم عينيها مجلخيين بالكحل و هابط على جفونها..وجها عامر ب البودرة البيضة بحال الجبص و شعرها مشنتف و دايرا واحد الريحة ايلا شميتها غادي دووخ 10 ايام و لموشكيل كانقول مع راسي رمضان هادا و السيدااا مجبصا و جهها و كانعرفو جميع بلي المسلمات كايتفاداو هاد المسائل فرمضان و باش كملاتها ب دوك الضفاار الطوال المصبغيين كاتبان بحال دوك الساحرات ديال الرسوم .....و شوياا هيا تنطق و قالت لينا ''واش نتوما ولاد المدرسة ؟ عافاكوم جبدو ليا شي ورقة و ستيلو '' بدينا كانكحازوو ل لور انا و صاحبتي و خليناا الصديق لي معانا يوقف قبالتها ، شويا قلت ماعليش اش كاع غادي يطرا ؟ ..جبدت الورقة من صاكي و شديت ستيلو و هيا تقول لينا '' انا راه كانعيط ل ولدي و ما كايجاوبش ..راه عندي تينيفول ( تيليفون ) شريتو ب 20 الف ريال و ماكايدوزش ليا الخط '' و كانقول مع راسي ( اشمن خط ا الحااااجة يهديك الله ) شويا صديقي شاف ف لميكا لي هازاها معاها و بدا كايغمز ليا باش نشوف اوسي لميكاااا و بان لينا بلي البورتابل لي معاها غا نوكيا بييل و السيدة طالقا علينا السلوكية ...شويا قالت ليا عافاك ابنتي هادشي لي كانملي عليك كتبيه فالورقة ..و الرسالة كانت كالتالي '' اولدي راه كانتاصل بيك و التلفونات مطفين راه غادي نمشي للاتصالات و هانقاد داكشي و نعاود نتاصل دابا راه غادي نبيع الأراضي لي ف البلاد و غانتاصل راه كلشي التلفونات مطفيين اولدي حتا نمشي ل الاتصالات باش اقادو ليا البورتابل '' و انا من كتر ما خلعاتني و دوخني العطر لي دايرا .نص ديال الهضرة لي قالت ما كتبتهاش و لكن كنا هانتسطاو بالضحك حيت اللهجة ديالها فشكل و ديك الهضرة لي كاتقول بدون معنى و كاتعتامد اسلوب تكرار الكلام بالعربية تاعرابت بدات كادخل و كاتخرج فالهضرة .ولكن المشكل لي مافهمنااش . اش غادي دير بديك الورقة لي كتبت ليها ...صحاب لينا فالاول واش بغات ندوزو ليها شي نمرا..و لا نصيفطو ليها ميساج من عندنا..صدق قالت لينا كتبو ف ورقة ..و بدينا كانحطو الاحتمالات '' واه ويلا كانت بغات تلوح ليه ديك الورقة فالدار د ولدها ..تسناه نيت حتا يجي و تهضر معاه..مايمكنش اذن ! ...اوا ايلا بغات تصيفط ليه ف البريد ؟؟...ما يمكنش .. حيت الورقة مرونا و ماشي ديال البريد...اصلا كون بغات تصيفطها فالبريد تمشي تقولها لشي حد اخر و يصيفطها ليها ماشي تجي توقفنا اصلا هيا كانت غادا ف واحد الاتجاه غا شافتنا هيا ترجع لعندنا .دونك علاش حنا بالضبط؟هادشي مابغاش اتفهم لينا المهم مشاات و بقينا واقفين كانقولو واه '' البصمات ديالي فالورقة'' ياكما بغات تلصق فينا هادي شي تهمة ..و لا بغات تدير بيها شي حاجة ماشي تال لهيه ......المهم صاحبتي فاتي مشات للدارهوم و بقيت انا و الصديق مولود شويا كاتبان ديك الشارفة ما بعيداش عليناو انا نقوليه يالاه نتبعوها نشوفو فين غاديا بديك الورقة و تما عرفت بلي راه تصطينا ديال بصاح .((درنا فيها سويتشرز )) المهم بقينا غادين و حنا نزيدو فالسرعة تا قربنا ليها و بقينا تابعيينها تاااابعينها و شويا كاتبان غادا فالشارع فاش كاين '' الكوميساريا ''شويا كايقولي مولود ياك ماغادا هادي عند البوليس قاليااا نقصي فالسرعة...المهم شويا كاتبان لينا هاتوقف و تحديدا حدا المقاطعة ..جلسات فالارض و تلفتات و شافتنا ..واط دا فاك تفرشناااااا ...حنا نقلبو الطريق ..وخلينها و رجعنا فحالنا حيت بنادم صايم و الشمش و ماقادين على صداع ... ولكن بقا هاد السر غامض لي هوا '' اشنو بغات ديك الورقة لي كتبنا حيت ماعندها مادير بيها '' و هادشي لي غادي نكتاشفوه من بعد...يتبع ..
#خربشات_مريم_بنعلي