لعبة ويجا - خربشات ' الحلقة 2 '

اكيد غادي تكونو سمعتو بلعبة ويجا سواءا فشي فيلم او مسلسل او من احد الاصدقاء ديالكم لي عاود ليكم عليهاا , لعبة ويجا من الالعاب المعروفة جدااا و بمجرد تسمع سميتها كاتخلع اوطوماتيكمون حيت ديجا عندك عليها فكرة مسبقة بلي فيها الارواح و الجنون و الشياطين و بلي كاتخليك تواصل مع عالم الاوراااح و كاتكونيكطا معاهم ومن خلال اللوح و كايعطيوك اجوبة ل الاسئلى ديالك و اليوم غادي نعرفو السر ديال هاد اللعبة العجيبة اولا لعبة ويجا هي من الالعاب لي ظهرات ف اواخر 19 وبالضبط ف 1890 ولي حصد مبيعات خياااالية وكايتعتابر من اشهر العاب التنجيم, و ايلا شفتا لعبة ويجا فهي كاتكون من لوح و قطعة صغيرة بحال الكف و لي مصنوعة بطريقى كاتمكنها من الانزلاق بسهولة على اللوح و كايكون السبب اما عجلات او رقائف اللباد لي غادي تلقاو التعريف ديالو ف الرابط اسفله ف المدونة ديالي , وحسب بعض المصادر التاريخية ف لعبة ويجا ماعمرها كانت وسيلة للتنجيم و انما الناس كانو كايلعبو بيها من اجل التسلية فقط , حتال فترة الحرب العاالمية الاولى ف بعض الناس بداو كاايشهرو اللعبة على اساس انها خارقة للعادة وبل اكثر من ذلك ف العائلات ديال الجنود الامريكيين كانو كايلعبو ويجا باش يطمأنو على حالة الجنود ف اوروبا انذاك , ومن تما بدا الترويج ل ويجا على اساس انها اداة للتواصل مع الارواح وحتى الشياطيين .,لكن المالكين ديال اللعبة ليهوما الاخوان باركر كايأكدو ان اللعبة راها غي ل التسلية و للاشارة ف باركر برادز ماشي هوما لي ختارعو اللعبة و انما اليجاه بوند و لي باعها من بعد ل ويليام فولد لي غادي يبيعها ب دوره ل باركر برادرز دابا غادي نجاوبو على السؤال لي داير عليه الفيلم , كيفاش فاش كايطرح شي حد شي سؤال و كايحط يديه على ديك اللعيبة لي كاتسما البلونشيتو كاتبقا تحرك بوحدها و كاتجاوب على الاسىلة لي كايطرحها واحد الشخص فقط من الناس لي كايلعبو و هاد الاسىلة طبعا كايكونو توجدو من قبل و من بعد كايطرح سؤاال من قبيل " واش كاينين ارواح بيناتنا " وشويا كايبان ليك البلانشيتو كايتحرك سواءا لنعم او لا ,, واش بصااااح الشياطين لي كايحركوها ؟ هنا غادي نهضرو على واحد االتأثير كايتسما ' ايديو موتور " او التأثير الفكري الحركي لي كايخلي الناس يحركو العضلاات ديالهم بلا مايعيقو أي كايقومو ب حركات لا ارادية و فهاد الصدد نشر الطبيب و الفيزيولوجي ويليام بنجمين تقرير على الحركات العضلية التلقائية لي كاتوقع بدون الارادة االواعية للفرد ف مثلا البكاء هو رد فعل لا ارادي على الحزن و فلعبة ويجا هادشي لي كايطرا بالضبط وحتى عامل الخوف لي كايخلي الدم يتدفق من اطراف الاصابع ل العضلات الرئسية ف الجسم كايخليك تحس بالبرد وملي كاتكون مؤمن كل الايمان بحال هاد النوع د الالعاب ف كاتولي فيك واحد اليقظة غير طبييعية لي كاتخليكك تلاحظ أي حاجة لدرجة انك تقدر تسمع اصوات ماعمرك رديتي ليهم البال و هادشي لي كايفسر الاجواء المكهربة اثناء لعب لعبة ويجا و العجيب ف هاد اللعبة هو انك تقدر تسول شي سؤال لي ماكاتعرفش الجواب ديالو ولكن يقدر تكون سمعتيه فشي بلاصة شي مرة وبقاااا مسجل ف اللاوعي ديالك و تحت الظروف ديال هاد اللعبة تقدر تحصل على الاجااابة وهنا كانشوفو ان ويجا ولات لعبة كاتمنج تجربة نفسية فرييدة وهادشي لي كايخليها مرعبة نوعا ما ولكن العقل البشري هو الاكثر رعبا ايلا جينا نشوفو ودابا اجيييو نشوفو التجارب قدام عينينا العلماء دارو بزاف ديال التجارب علا الناس ..خداو ناس مؤمنينن ب ويجا و ناس غير مؤمنين بيها ف كل الحالات كاتلقا الناس لي متيقين العبة , بمجرد مايبداو اللعبة كاتبدا تحرك ديك القطعة بووووحدها و كاتعطي كلمات منطقية ، علا عكس الناس لي ماكايتيقوش بوجود الارواح ، كانت يا ماكاتحركش ليهم يا كايتكبتو كلمات و حروف ماعندهم حتا معنى , وكاينين .مختصين اخرين ف العاب العقل جابو مجموعة د الناس لي كايآمنو ب ويجا ؛ و بدا كايسولو داك الروح و فعلا كانو كايخرجو كلمات منطقية تال واحد لحظة بدات واحد البنت كاتسول علا روح جدها لي مات ( واش سعيد ؟ ، باش مات ) ديييما كانو كايخرجو جمل صحاح..ولكن الباحث لي شرف على التجربة دار ليهم قالب. سد ليهم العينين باش مايبقاوش يشوفو فديك اللوحة ، و سولهم تاني ( اشمن عمر فاش مات جد البنت ) و تما كانت الاجابة هي جوج حروف و المباقي البلونشيتو جات ف الخوا ماجات ف حتا حرف وتما الصدمة كانت قوية و عاود سولهم سؤال اخر و طرا نفس البلان ..حيت مابقاش كايشوفو فالحروف حيت عيتيهم مسدودين و اللاوعي ديالهم ماقدرش يتصرف , وفالتالي كانصح أي شخص ديجا لعب ويجا و خلعاتو يعاود اللعبة وهو مغطي عينيه , ويشوفق النتجية , كون كانن الارواح لي كاتحرك اللعبة ف ماغاديش تعطينا حروف ماعندها حتا معنى ملي الناس كايسدو عينيهم بل اكثر من ذلك كون هاد اللعبة بصاح نيت كاتخلينا نتواصلو مع عالم الموتى كون راه عيطنا دابا ل ستيفن هوكينغ وسولناه على احواله مسكين وكون عرفنا بزاف د المجرمييين لي قتلو ضحاايااا وبقاو غير معروفين و ايلا شي باب تحرك بوحدو او شي حاجا طاحت ف الكوزينا بوحدها غادي يكون غي شي صاحبك مطلعها عليك اصديقي ويجا راه حنا لي كانحركوها ماشي هيا لي كاتحرك

" اللباد "

قطعة من اللباد

اللَّبَدُ^[1] أو اللُّبَّادُ^[1]  أو الجوخ^{[بحاجة لمصدر]} هو نوع من القماش تُصنع معظم أنواعه من ألياف الصوف بشكل كامل أو بنسب منه.^[2][3][4] وتلبد هذه الألياف بتطبيق الحرارةوالرطوبة والعمل الميكانيكي. يتميز اللباد بمرونته، وامتصاصه للصوت، وقابليته للقولبة. ويمكنه أن يستخدم كعازل للاهتزازات، ومادة للتلميع، وكمادة مانعة للتسرب، وكماص للاهتزاز، وكمادة مرشحة ومصفية، وكعازل حراري. وهو ضعيف الانسدالية.

الروابط المستعملة في الفيديو :

فيلم ويجا

https://www.youtube.com/watch?v=LSTU_JJcJxQ

أول عربي يستدعي الجنية "عيشة" في لعبة ويجا

https://www.youtube.com/watch?v=eQ66kvUadO0

Youssef dalil: "تحدي "منتصف الليل

https://www.youtube.com/watch?v=jH3g-fEhvZw

فيديو شرح ظاهرة ايديو موتور بالتجربة

https://www.youtube.com/watch?v=Bf-cEp2KtaA

التنويم المغناطيسي الذاتي و ظاهرة ايديوموتور

https://www.youtube.com/watch?v=rllgDllb1O8

فيديو قناة ناشينال جيورغرافي مختصر يشرح بالتجربة ظاهرة ايديوموتور

https://www.youtube.com/watch?v=PRo8TytvIDw

فيديو للحلقة  الكاملة لبرنامج العاب العقل من قناة ناشيونال جيو

https://www.youtube.com/watch?v=_u4QADp2xmE

الوثائق العلمية التي تتحدث عن ظاهرة ايديو موتور

http://www.sgipt.org/medppp/psymot/carp1852.htm

اغنية العقل

https://www.youtube.com/watch?v=Qw8E9WnZTQk

-

Video links:

Ouija: Origin of Evil 2016

https://www.youtube.com/watch?v=LSTU_JJcJxQ


The first Arab calls the Fairy "Aisha" in the game Wiga


https://www.youtube.com/watch?v=eQ66kvUadO0

Youssef Dalil: "Challenge" Midnight

https://www.youtube.com/watch?v=jH3g-fEhvZw

Explanation of the phenomenon of Audio Motor experience


https://www.youtube.com/watch?v=Bf-cEp2KtaA


Self hypnosis and ideomotor phenomenon


https://www.youtube.com/watch?v=rllgDllb1O8

Brain Games - Ouija Board, Ideomotor Effect, and Confirmation Bias ( the whole video from NAT GEO TV )

https://www.youtube.com/watch?v=mNk8-A1gRMo

Brain Games - Ouija Board, Ideomotor Effect, and Confirmation Bias ( Short documentary from NAT GEO TV channel )

https://www.youtube.com/watch؟v=PRo8TytvIDw

Materials and documents on the ideomotor (Carpenter) effect

http://www.sgipt.org/medppp/psymot/carp1852.htm

Mind Song
https://www.youtube.com/watch?v=Qw8E9WnZTQk