صراحة اسهل حاجة فالعالم هي ان بنت تاهم دري بالاغتصاب وكلشي يتعاطف معاها بدون العودة ل مسرح الجريمة , وهادشي شفتو فالوسط لي كانعيشوه ونهار كاتقرر دافع على المتهم كلشي كايتقلب عليك . وحيت وليت كاندوخ بزاف مابين الحقيقة والوهم فبحال هاد القضايا دكشي علاش ماكنتش باغا نكتب على خديجة .
ولكن اليوم كانزيد نتأكد ان القصة كلها ملفقة و المذنب ليست خديجة و انما الوالد ديالها لي مابقا ليه والو يعتارف انه دار هادشي على ود الفلوس و كيما هو صرح ل سلطانة سابقا ان احد المتهمين صدق بريئ و كايقول انه فقير و كاع ماعندو دار و طوموبيل و حساب بنكي وكايعاود الجملة مرتين, نعم على اساس ان كل المغاربة يتجولون ويتملقون في الشوارع ب سيارات فاخرة من نوع فيراري
رابط الفيديو
https://bit.ly/2wuPuYD
و في الجهة الاخرى اهل المتهمين بالاغتصاب كايأكدو ان ولادهم مشاو ضحية و ماغتاصبو حد و اثار السيجارة على جلدها هيا لي دارتهم و من الفوق الطفلة خديجة ديما كاتخرج وكاتغبر و واليديها كايستغلوها باش تجيب ليهم الفلوس و قالو ايضا انها كاتعاطلى المخدرات و المشروبات الكحولية من نوع الماحيا الخ و اما عن الوشم ف لحد الان باقي ماتداروش الفحوصات اللازمة باش نعرفو العمر ديالو و من هنا كانقول ان
يك السيدة لي كانت كاتحنقز هاد الايام و كاتحلل ف الصحة النفسية ديال خديجة و تقول مجموعة من الاقاويل لي خارج نطاق اختصاصها ف راه ماعندهاش الحق وراه غي كاطبز ليها العين و جاتني غي باغا دير ل راسها الاشهار اما الاطباء د بصاح راه قالو بلاتي نساينو الفحوصات .
رابط الفيدو
https://bit.ly/2PSwJX3
دابا كاين 2 د الاحتمالات يا هاد ناس اختلقو القصة كلها بما فيها الاغتصاب باش ينصبو على الرأي العام و ياخدو الفلوس و فهاد الحالة راه المذنب هو واليدين خدييجة حيت مايمكنش طفل يفكر بحال هكا وانما الاهل لي كايمارسو ضغوطات علا ولادهم وكايخليوهم يكدبوو و يلفقو التهم من اجل المال وفهاد الحالة خص بابات خديجة يمشي للبنيقة وخاص المتهمين تعطاهم تعويضاااات و يتقدم ليهم اعتذار رسمي .
و الاحتمال الثاني هو الاغتصاب طراا سواءا هي لي مشات عندهم برجليها او هوما لي داوهاا صحااااا حيت المغاربة عندهم اعاقة دماغية ايلاا لبنت دخلات معاك للدار صافي كايولي من حقك تشروطها و تدير لي بغيتي تحت عنوان هي لي مشات عندو , و فالتالي فكلا الحالتين خاص يتحاسبو المجرميين اشد حساب ايلا ثبثات عليهم التهم .
و سواءااا طرا الاغتصاب او لا , خديجة خاصها تبع عند طبيب نفسي حيت ماشي هادي الحياة لي خاص يعيش طفل ف سنها , وايلا بصاح عندها شي ادمان خاص تبع مع شي مركز اعادة التأهيل و ماخاصش نضربوها ب تصرفيقة ثانية حيت الاولى عطاتها ليها الحياة ,و كاتبقا حتا هي غي ضحية مجتمع ذو منظومة تربوية و اجتماعية فاشلة .
