الرجال شحال هادي فالمغرب كانو كايتحزمو بالمضمة او المجدول و كانت من بين اهم الاكسوسوارات لي كاتكون اللباس الرجالي ولي دخلات للمغرب ف سنة 1910 من طرف الاتراك ،وكان الهدف ديالها هو تثبيث غمد السيف او الخنجر باش مايطيحش وايضا اسناد الظهر باش ايلا راجل هز شي حاجة ثقيلة مايتقصحش و بالنسبة للمضمة الجلدية ف كانت كاتستعمل ك حافظة للنقود ، شويا ولات المضمة رمز للمكانة الاجتماعية بحيث كان الفرسان كايلبسوها و كايتفننو فالتزيين ديالها و كانو كايستعملو الذهب والفضة كمادة اولية لهاد المضمة لي تطورات من بعد و دارو ليها قفل فالقدام كايتسمى الفكرون وهاد النموذج راه كاين ليومنا هذا عند المعلمين .
-هاد النوع ديال المضمات الاخير كان كايستغرق تال 5 سنين باش يتصنع و فهاد الفترة بالضبط انتقلات المضمة من الراجل للمرأة حيت زوجة الفارس الحقيقي كانت كاتفشش بيه على صحاباتها ، زعما راني مدام ديال فارس ، و كانو العيالات ديال الفرسان كايلبسوه خصوصا فالمناسبات و الاعياد .
-شويا ب شويا السيدات بداو كايكتاشفو
ان المضمة كاتجي مستيليا مع القفطان و هنا ولينا كانشوفو العيالات كايلبسو الحزام لي بعد سنوات قليلة وللا اكسوسوار مهم للمرأة المغربية لي كاتلبسو فالمناسبات و فالبيت ديالها ايضا ، و المضمة كاتعتابر قفزة نوعية ف تاريخ اللباس المغربي حيت المشرقيات كانو كايلبسو العابيات وداكشي الواسع بينما المغربيات كانو اكثر جرأة و ستعملو الممضة لي كاتحدد الجسم و كاتعطي فورما جملية سواءا للسيدة الضعيفة او لي عامرة و مابقاوش كايبلسو غي القفطان هاكاك مسرسب .
-من اشهر انواع المضمات هي المضمة البلدية لي كايتوضعو عليها جيوب و كاتكون مطرزة بالحرير والمضمة الفاسية المطروزة بخيوط الذهب او الفضة ، و اما المضمة لي كاتكون مصنوعة من الذهب او الفضة ف العيالات متانعو عليها انذاك نظرا لان الثمن ديالها غالي و و ايضا كانت كاتسبب ف تمزق القفطان ديال السيدة و المشكل الاكبر انها كاتعتابر استثمار فاشل حيت ملي كايجيو يبيعوها كايلقاوها مساويا والو والمشكل هو ان اغلب القطع كانت مغشوشة ومافيهاش الذهب 100 ف100 و بلا مانهضرو على الصناع لي كانو كايضطرو يذوبو عدد كبير من الجواهر الذهبية الاصيلة باش يحصلو على مضمة وحدا .
المصادر : تصريحات السيد بلغازي، محافظ متحف دار بلغازي لجريدة الشرق الاوسط ، (سنة 2007 )
-هاد النوع ديال المضمات الاخير كان كايستغرق تال 5 سنين باش يتصنع و فهاد الفترة بالضبط انتقلات المضمة من الراجل للمرأة حيت زوجة الفارس الحقيقي كانت كاتفشش بيه على صحاباتها ، زعما راني مدام ديال فارس ، و كانو العيالات ديال الفرسان كايلبسوه خصوصا فالمناسبات و الاعياد .
-شويا ب شويا السيدات بداو كايكتاشفو
ان المضمة كاتجي مستيليا مع القفطان و هنا ولينا كانشوفو العيالات كايلبسو الحزام لي بعد سنوات قليلة وللا اكسوسوار مهم للمرأة المغربية لي كاتلبسو فالمناسبات و فالبيت ديالها ايضا ، و المضمة كاتعتابر قفزة نوعية ف تاريخ اللباس المغربي حيت المشرقيات كانو كايلبسو العابيات وداكشي الواسع بينما المغربيات كانو اكثر جرأة و ستعملو الممضة لي كاتحدد الجسم و كاتعطي فورما جملية سواءا للسيدة الضعيفة او لي عامرة و مابقاوش كايبلسو غي القفطان هاكاك مسرسب .
-من اشهر انواع المضمات هي المضمة البلدية لي كايتوضعو عليها جيوب و كاتكون مطرزة بالحرير والمضمة الفاسية المطروزة بخيوط الذهب او الفضة ، و اما المضمة لي كاتكون مصنوعة من الذهب او الفضة ف العيالات متانعو عليها انذاك نظرا لان الثمن ديالها غالي و و ايضا كانت كاتسبب ف تمزق القفطان ديال السيدة و المشكل الاكبر انها كاتعتابر استثمار فاشل حيت ملي كايجيو يبيعوها كايلقاوها مساويا والو والمشكل هو ان اغلب القطع كانت مغشوشة ومافيهاش الذهب 100 ف100 و بلا مانهضرو على الصناع لي كانو كايضطرو يذوبو عدد كبير من الجواهر الذهبية الاصيلة باش يحصلو على مضمة وحدا .
المصادر : تصريحات السيد بلغازي، محافظ متحف دار بلغازي لجريدة الشرق الاوسط ، (سنة 2007 )
