الكوبل الحداثي فيه انواع ، كاين لي ملي كايتجمعو فشي جلسة كايهضرو على الكون و المجرات والفلسفة والتاريخ والاديان ، وكاين لي ملي كايتجمعو كايشدو شي فيلم تثقيفي فشي موقع ازرق وكايتعمقو في تحليل الهضبات و المنعرجات و تقييم الاوضاع تقييما دقيقا ، وكاين لي شويا هكا و شويا هكاك ، وكلما تزاد الحداثة و كلما كان الكوبل اكثر تفتح ، ف غسان ملي كايتلاقا ب لمياء و كايجلسو معا صحابهم تقدر(ي) تاخد(ي) كامل راحتك ف أنك تعنب على لميااء و ايضا فالمقابل تقدر(ي) تاخد(ي) كل حريتك باش تعنب(ي) على غسان ، حيت الغيرة متجاوزة عند لكوبل الحداثي لي واصل لسطاج الاخر دالحداثة ، ولي طاح ف المقلا يتقلا ، عادة غسان و لمياء ماكايهضرو حتا كاتضرب 3 ولا 4 دالعشية ، وماعندهمش عقدة صباح الخير او بروبليم ( صباح الخير كبيدة ) خصوصا لاكانو ساكنين ف نفس المدينة ف الشات متجاوز و مقاهي المثقفيين كاتكون كاتسناهم ابتداءا من ما بعد صلاة العصر و ارا مايصبحوو على بعضياتهم و خصوصا لاكان هاد الكوبل كايعانيو من بروبليم البرتوش اما ايلا كان موجود ف كايفضلو يبقاو مبرتشين في مايرضيهم على انهم يدورو فالقهاوي ، و الحداثيين اصحاب البرتوش فيهم نوعين ، كاين لي حداثي يساري و كاين لي حداثي يميني ، فالاول كايكون الكوبل عبثي و البرتوش كايكون مفتوح لكاع صحابهم الحداثيين ، وكايتشاركو الجلسة و الضحكة و اي حاجا كاتكال او كاتشرب او كاتشم و كاتستهلك عامة و هاد الناس كايهضرو ف كولشي و العلاقات بيناتهم كاتكون جد مكشوفة و لا مجال للحدود والنوع الثاني ولاد الناس مايتعاتقش معاك ، كل ما فيه جماعة و شي حاجا فايتا الحدود كايعتابروها ميوعة و ماكايتقبلوش جميع الاصدقاء ف دارهم ، و فأغلب الاوقات هاد الكوبل كايفضل يبقا بوحدو بشكل راقي و لا بغيتي تبرتش سير خسر فلوسك وتبرتش و هوا نيت لي كاتلقاه كاتب فالفايسبوك : عاونوا الشباب باش ينشرو الحب.😂..و كاين نوع اخر لي كايدير هو وصاحبتو باج ف فايسبوك و كايبقاو عليك بالصور ديالهم الحميمية والفيديوات كاع فمجموعة من الاوضاع ، وهادو غالبا كايكونو مدعومين من جهات خارجية لافساد اخلاق الشباب 😂😂 ، و فهاد الانواع كاع لي ذكرت كايتفرعو ل قسمين كبيرين فقط ، واحد كايدير هادشي كامل على مدار السنة ، و واحد الكوبل اخر كايدير هادشي كامل تال رمضان كايثوب و كايدخل للجامع حتى صبيحة عيد الفطر و تعود حليمة لعادتها القديمة .
#خربشات_مريم_بنعلي
#خربشات_مريم_بنعلي
