الشعودة في مراكش

واحد السيد كان ف جامع الفنا و هو يلقا واحد الحلايقي كايقول لعباد الله حطو 3 دراهم و نقولكم شي سر من الاسرار ديالكم ، فعلا الناس شدو صف طويل عريض كايتسناو النوبة باش يهضرو معا المشعود/الحلايقي ، و هاد خونااا كايعاود انه وقف ف بلاصتو و هو يهضر معاه الشخص لي موراه و بقاو مجمعين ، و هو يسولو ياكما عندو شي مشكل هو يرد عليه صاحبنا ( اودي الواليد مسكين مشا العسكر و كدا و كدا ) المهم خوتنا سالاو المحادثة و بعد مدة قصيرة وصلات نوبة صاحبنا و هو يجلس معا الموشعويد و كلنا شوق نسمعو شنو هو السر لي غايقدر المشعود يجبد من خونا ، هو يقوليه ( نتا الواليد ديالك مشا للعسكر وكدا وكدا مسكين ) ، هو ينوض السيد و بدا كايعربط على المشعود حيت ف الواقع باباه ماكاينش فالعسكر و انما خدام كزار و كاين غي معا الدورة وهاديك كانت خطوة ذكية منو حيت قشع قالب داك لي كايسولوو فالصف 😂 و خوتنا غي كاينصبو على عباد الله و دايرين خطة لي ماطيحش على زين الدين زيدان براسو ، حيت هاد الصديق كايأكد ان الشخص لي موراه ماتزعزعش من بلاصتو وخدام بروووو ، و من موراها طرا صدااع و غي الناس لي فرتكو الجوقا... و هادشي كامل قلناه غي باش تحلو عينيكم و ماشي لي جا يضحك عليكم و باش تستهلك بلا ماتهلك عزيزي المواطن .😂😂😂 
ب.س : القصة واقعية