كانقولو داك البلان ديال خالف تعرف , ولكن لي خالف من الشعب و اسطر عليها 3 اسطر راه كاياكل الزرواطة و من طرف الشعب بنفسو , اما لي كاينتامي لطبقة ما فوق الشعب راه كايبقا فوق الشعب و ماكايوصلش ليه الشعب باش يزروطو , و الفرق بين البلادان العربية و بلاد العم سام و القارة العجوز هو ان ف بلاد سام عندهم واحد البلان عاااجيييييييب ولاحظتها ف المسلسلات و الافلام ديالهم .. ايلا كنتي انسان عادي راه ماكايتسوق ليك حد ' يعني كاتكون كأي انسان ماكايشوفوش فيك شي حاجة جديدة '' و بمجرد يكون عندك اختلاف ولو بسيط كاتولي دييير بوووووم ف ليسي ولا الجامعة ولا حتا العمل ديالك ..مثلا ف العامين الاخيرين لاموووض ف لميريكان كانت هي انك تكون 'مثلي ' يعني اي واحد اعتارف ل المجتمع انه مثلي كايولي مشهووووور ف المدرسة ديالو و كولشي كايجي يتصور معااه و شي كايسلم عليه من هنا و شي من لهيه هادشي من غير الصحافة لي كاتبقا دور بيك يعني غير كاتولي مختالف كاضرب الشهرة ف الجهة الايجابية , حنا العكس كاتولي مشهور وولكن بالزرواطة , و ف التالي ولاو كايديرو حفلات على شرف هاد الناس لي مختالفين و زيد وزيد و الناس المعنيين كايديرو قنوات على اليوتوب كايتابعهم ملايين المتتبعين من العالم .. لدرجة ان بعض الممثلين و المغنيين ولاو كايديروها بلعاني كاتخرح الفنانة فلانة كاتدير سلوك معين باش يقولو راه فلانة كذا و كاتدير الشهرة .. من غير المثلية كاين مغنيين لي عيقوو ب خالف تعرف بحال مايلي سايرس لي بدات موجة لهبال ب الرقص ديال '' توورك '' لدرجة العالم كولشي ولا تابعهاا و ميريكان كولشي كايتوركي , كانتصور كون كانت مايلي ف المغرب اكيد غادي تشهر بحال لبنى ابيدار ولكن شهرة د الزرواطة .. يعني لي باااغي يتشهر و تبقا السمعة ديالو مزيانة يمشي لميريكان .. دابا من هادشي كامل واحد الفكرة لي بغيت نوصل من ضرب هاد الامثلة .. المجتمعات الغربية عندهاا ما يسمى ب ثقافة تقبل الاخر '' واخا انا لست متفقة مع كل تلك السلوكيات '' ولكن خاص نعتارفوو راه ايلا ماتعلمناش نعيشو ف سلم مهما كنا مختلفين راه ماعمر ماغادي نوصل فين . شوفوو هوما فين و حنا فين ...ملي الميريكاني كايصنع شي عحب راه تلقا المغريبي مدابز هو و صاحبو واش دنيا باطما دايرا عملية تجميل لفمها ولا غير فوطوشوك.
