ملي خرج الياس و ولد عموو من المعمل القديم ديماراو طوموبيل و حنا بقينا مخبين مورا الكاميو حتا شفناهم وصلو لنهاية الشارع و حنا نتحركو ولكن ماجينا فين نوصل ل طوموبيل حتاا كانو هوما مشاااو و مابقاوش كايبانو لينا ..المعلومة لي عندناا هي انهم غاديين لمختبر ديال دريس الاخ ديال الياس و سكينة ,و لكن لا انا لا يونس عارفين فين جا هاد المختبر و حتا من الكونيكسيون ماعندناش ف التلفون باش نقدرو نقلبو ف محركات البحث عن المختبرات لي كاينين ف مدينة أكادير , مالقينا حتا شي حل و قررنا نرجعو فحالنا و طبعا حيدنا علينا دوك الجلالب و رجعتهم ل ميكا و الله يسمح لينا كاع كرفصناهم و ايلا ساقت ليا الوالدة الاخبار هادي هيا الاخرة ليا ..دازت الايام و واحد الوقت هاد القضية تهدنااات و حتا من يونس طلعات ليه سكينة ف الراس و ماكان كايقدر يجبد منها حتا معلومة و حسيت بيه بحال ايلا ندم حيت دخلتو ف هاد المعمعة و قررت انني نعطيه داكشي لي بغا خصوصا وللا من اقرب الناس ليا و هاد المغامرة خلاتني نكتاشف المسائل لي مزياانين فيه و قلت بلا مانبقا نجرجرو معايا مازال و فعلا تلاقيت بيه و طلبتو من السماحة و عطيتو نمراا د ديك الصديقة هاجر لي كان طالب عليهاا و بسبابها قبل انه يدخل ف لعبة راس الدرب و طلبتو باش مايقولش ليها بلي راه كايعرفني و مايذكرش ريحتي ف القضية حيت يقدر البنت مايعجبهاش الستون . خصوصا هيا من دوك الناس لي شاربين عقلهم و خدامة على راسها و على الام ديالها لظروف شخصية ولكن مع ذلك فهي بنت نشيطة و كنت تعرفت عليها ف واحد الحدث نظماتو واحد الجمعية الصيف الماضي..المهم يونس شكرني بزااف و قالياا نساا عليا ضوسي و نكمل حياتي عادي و سكينة قدر يسرسبها ب السبة ديال ان الامتحانات قربوو و هوا خاص يراجع شويا و حيت سكينة عزيز عليها الناس القرايااا تقبلات الرأي ديالو و مابقاوش كايتلااقاو بزاف و حتا من الهضرا نقصات بيناتهم و اما انا فراه تقريبااا اقتنعت بالكلام ديال يونس حيت عييت و هادشي وللا كايستهلك الطاقة ديالي و كون غير كانت فيه شي فائدة .. دازو الايام و قلت ضروري نسول ف يونس و نشوف فين وصلات علاقتو ب هاجر و تلاقينا ف واحد المقهى و جلسنا جمعنا مزيان وقالي بلي الوضعية بيناتهم اكثر من رائعة و العقلية ديالها زوينة و كولشي و ماندمش حيت غامر على قبلها و دخل راسو ف المعمعة و لكن قالي بلي بغانا نتلاقاو حنا ب ثلاثة و نظرا انني من الاصدقاء المقربيين ديالوو بغاا يقدمها ليا زعما ..هذا هوا الطنز البلدي حيت انا كانعرفها و عارفا بلي هياا الصديقة د يونس الحالية ولكن اش غادي ندير ..قبلت الطلب ديال يونس و فعلا بعد يومين قلنا نتغداو مجموعين ..ايوا سبقتهم انا ل واحد الريسطوو و بديت كانوجذ ل السيناريوو التمثيلي لي غادي نقولو ل البنت ملي نشوفهاا حيت خاصني ندير راسي بحال ايلا ماكنتش عارفاا بالعلاقة ديالهم , ايوا صافي بقيت جالسة شويا هوا يدخل يونس مع الانسة ديالوو و انا ندير ديك اللعبة ديال '' اوه لالا سي با فغي ..واش نتي اهاجر هيااا البنت لي عاود ليا عليها يونس " و المهم حتا هيا تفاجئاات و فرحاات ف نفس الوقت حيت الصديقة المقربة ديال يونس هياا اناا و فالتالي ماعندهاش مناش تخاااف و راكم عارفين الدريات مغيارات " و بقينا عاطيينها للجماعة و الضحك و واحد الوقت هاجر بدات كاتشوف ف الساعة و قالت لينا بلي تابعها شي حفل خيري خاص تحضر ليه نظرا لانها فاعلة جمعوية و داكشي و قلنا ليها ماكاين موشكيل و شويا هيا تقول لينا
-هاجر ' اجي أش بان ليكم تحضرو معايا راه كاينين فقرات موسيقية و بزاف ديال العروض فهاد الحفل .. "
-انا " صراحة ماعندي مايداار ايلا يونس غادي صافي نتحرك معاكم "
-يونس " الاه ياودي علاه انا نقدر نقول لا ل القمر لي منور ليا حياتي لالة هاجر "
-انا " يونس حتا نمشي و تعنب كيف بغيتي زيدون القمر كوكب مظلم و غير شمس لي كاتضويه "
-يونس " ها حنا بدينا عاوتاني ف الفيزيك ..ماقلت والو "
-هاجر " ههههه عجبتيني فيه صراحة ... ايوا يالاه نتحركووو راه تعطلنا "
و في طريقناا ل المكان لي فيه داك الحفل كنا شاعلين الراديو و كانسمعو ل الاخبار و قالو بلي تم الاختطاف ديال شخصين ف مناطق مختلفة من المدينة و بعد عشر ايام لقاوهم مليوحين ف واحد الخلا علما ان هاد الحادثاين منفصلتين و كل وحدا وقعات ف مكان و فزمن مختلق و كانو طول ديك المدة مخدرين و راهم الان ف مرحلة العلاج , جاني هاد الخبر شوياا فشكل و حيت يونس قشعني بلي تكونصونطريت مع الخبر و هو يبدل الاذاعة و قلبهاا غنااا و رقص و حايحا ...ايوا ملي وصلناا للمكان لي فيه الحفل نزلنا و الواضح انه مركب مفتوح و باين بلي شي حااجة نيت منظمة و صراحة ماعرفتش اشمن مناسبة باش دايرينوو ..و دخلنا وبقينا لاصقينن ف هاجر حيت ماكانعرفو حد تماا , و شويا و حنا كاندورو بانت ليا ف الحيط واحد لافيش ديال الحفل الخيري و مكتوب فيه " شكراا لكم فبتبرعكم تنقذون ارواح كثيرة " و فهمت بلي البلان عندو علاقة ب التبرع ب الدم و هذا حفل على شرف المنظمين ل حملات التبرع بالدم .. و واحد اللحظة قالت لينا هاجر نمشيو نجلسوو حيت فقرات الحفل غادي يبداو ..ايوا جلسنا ف الصف الرابع و هوا يدخل المنشط ديال الحفل و بدا ب الكلمات الترحيبية و ديك الهضراا و واحد اللحظة قال '' كاناديو على رئيس جمعية كذا و كذا للتبرع ب الدم " و شويااا و هوا يباان ليا الوالد دياال سكينة ب شحمه و لحمه كايطلع ل لاصين باش يتسلم الكلمة , انا و يونس تدهشرناا و تعجبنا ...كااارثة اذا شافنااا الاب د سكينة و حنا جالسين بزوج غادي نتفضحوو ..اش هاد الحالة لي ولينا عايشين فيها واش هاد الموشكيل مابغاش يتساالا ,, خرجنا منوو و طوينا ديك الصفحة و لكن شي حاجة تماا .الاقدار بغاتنااا نبقاو مطالعين على هاد القضية .. كان خاصني نفتاعل شي سيناريو باش نخرج من ديك القاعة و هاجر ماتعيق بوالو و حتا الاب د سكينة لي هوا سي احمد مايشوفناش المهم تسنيت حتا سالا سي احمد الكلام ديالو باش يرجع ل بلاصتوو و انا و يونس نضربوها ب سلتة حيت ايلا نضنا و هوا وافق ف لاصين غادي يشوفنا ,,المهم انا تخبيت و بديت كانتحدر و درت راسي كانهضر ف التلفون و زعما وقع شي موشكيل عندنا ف الدار و كان خاصني نمشي دغيااا و يونس طبعا حيت جانتل مان غادي ينوض يوصلني .. هاجر تخلعات و قالت بلي غادي ترافقنا و قلنا ليها بلي ماكاين لاش ..نضت انا و يونس و تحركنا ب الزربة و بدون أي كلمة ..طلعنا لطوموبيل بقينا ساكتين شحااال , و هو يشوف فيا يونس و قالي
-يونس " مريم خاصنا نكملو "
-انا" ولكن هادشي راه ماساهلش و هاد الناس ايلا حصلونا بلي حاطين عليهم العين ماغاديش يطلقونا '
-يونس " انا غادي نحاول نتقرب عاوتاني من سكينة وكانتمنا غير ماتعيقش بينا هاجر حيت غادي يصحاب ليها بلي كانغدرو بيها "
-انا " اش بان ليك نعاودو ليها كولشي من الاول باش مانصدقوش ف شي طاب و شي ماطاب '
-يونس " لي بان ليك و فعلا فكرة مزيانة ..و هاجر بنت متفهمة وماغاديش نلقاو معاها موشكيل "
و حنا نمشيو فحالناا و عولنا الغذ ليه نتلاقاو ب هاجر من مورا ماتخرج من الخدمة ديالها , هيا بنت كاتخدم من نيتها و خصوصا من مورا ماتوفا الوالد ديالها و بقات غير هيا و ماماها و فالتالي كاتحرق دمها باش مايخصها شاي و قالي يونس بلي ماشي مرة ماشي زوج عرض عليها المساعدة ولكن كانت كاترفض و مابغاتوش يعاونها . ايوا هيا هاديك سبقناها انا و يونس ل المقهى المعتاد و بقينا كانتسناو
-انا " وا تعطلاااات هاجر علاه فين خدامة "
-يونس " قالت بلي شي حاجة ديال الاعمال الاجتماعية "
-انا " اه معا هيا ملي كان باباها عايش كانت كاتقرا فواحد المدرسة ديال الفلوس ولكن ماسمحاتش الفرصة نعرف فاش ب الضبط"
-يونس " صافي هاهياا وصلاااات "
ايوا دخلات هاجر و جلسات معانا و كان باين عليها العيااا من العمل , و بديت كاندخل ف المضوع تدريجيا .. واخا عرفت بلي يمكن يصحاب ليها بلي حنا غير براهش و هادشي لي كانديرو فيه غير تخربيق و فعلا عاودنا ليها كولشي من زيروو حتاال الحادثة لي طرات ف الحفل ديال التبرع ب الدم , هاجر تقبلات هضرتناااا بسهولة و بقات كاتسول بزاف د الاسئلة ..و صدقات كثر منا ف الهباال و تيقااات هاد التخربيق و قالت لينا صافي نتعاونوا كاملين باش نوقفوا هاد الناس عند حدهم شوياا هيا تقول لينا بلي كايعيطوو عليها من الخدمة و خصهااا تمشي... و من هادشي كامل بدات كاتبان الامور .. سي احمد كايترأس جمعية ديال االتبرع ب الدم و ولدو الياس ملي كان كايهضر معا موسيو مايكل ف المعمل القديم كانو كايهضرو على شي فئات و عيينات و كاين احتمال كبير يكونوا كايهضروو على الدم و هاد القضايا كلهم متشبكين ولكن اش بغاو هاد الناس العيناات د الدم و فاش غادي تنفعهم ..؟؟ القصة ماغاديش تسالي هناااا و مازال مطولة و لكن قربنااا نوصلو ل راس الخيط ...
يتبع
-هاجر ' اجي أش بان ليكم تحضرو معايا راه كاينين فقرات موسيقية و بزاف ديال العروض فهاد الحفل .. "
-انا " صراحة ماعندي مايداار ايلا يونس غادي صافي نتحرك معاكم "
-يونس " الاه ياودي علاه انا نقدر نقول لا ل القمر لي منور ليا حياتي لالة هاجر "
-انا " يونس حتا نمشي و تعنب كيف بغيتي زيدون القمر كوكب مظلم و غير شمس لي كاتضويه "
-يونس " ها حنا بدينا عاوتاني ف الفيزيك ..ماقلت والو "
-هاجر " ههههه عجبتيني فيه صراحة ... ايوا يالاه نتحركووو راه تعطلنا "
و في طريقناا ل المكان لي فيه داك الحفل كنا شاعلين الراديو و كانسمعو ل الاخبار و قالو بلي تم الاختطاف ديال شخصين ف مناطق مختلفة من المدينة و بعد عشر ايام لقاوهم مليوحين ف واحد الخلا علما ان هاد الحادثاين منفصلتين و كل وحدا وقعات ف مكان و فزمن مختلق و كانو طول ديك المدة مخدرين و راهم الان ف مرحلة العلاج , جاني هاد الخبر شوياا فشكل و حيت يونس قشعني بلي تكونصونطريت مع الخبر و هو يبدل الاذاعة و قلبهاا غنااا و رقص و حايحا ...ايوا ملي وصلناا للمكان لي فيه الحفل نزلنا و الواضح انه مركب مفتوح و باين بلي شي حااجة نيت منظمة و صراحة ماعرفتش اشمن مناسبة باش دايرينوو ..و دخلنا وبقينا لاصقينن ف هاجر حيت ماكانعرفو حد تماا , و شويا و حنا كاندورو بانت ليا ف الحيط واحد لافيش ديال الحفل الخيري و مكتوب فيه " شكراا لكم فبتبرعكم تنقذون ارواح كثيرة " و فهمت بلي البلان عندو علاقة ب التبرع ب الدم و هذا حفل على شرف المنظمين ل حملات التبرع بالدم .. و واحد اللحظة قالت لينا هاجر نمشيو نجلسوو حيت فقرات الحفل غادي يبداو ..ايوا جلسنا ف الصف الرابع و هوا يدخل المنشط ديال الحفل و بدا ب الكلمات الترحيبية و ديك الهضراا و واحد اللحظة قال '' كاناديو على رئيس جمعية كذا و كذا للتبرع ب الدم " و شويااا و هوا يباان ليا الوالد دياال سكينة ب شحمه و لحمه كايطلع ل لاصين باش يتسلم الكلمة , انا و يونس تدهشرناا و تعجبنا ...كااارثة اذا شافنااا الاب د سكينة و حنا جالسين بزوج غادي نتفضحوو ..اش هاد الحالة لي ولينا عايشين فيها واش هاد الموشكيل مابغاش يتساالا ,, خرجنا منوو و طوينا ديك الصفحة و لكن شي حاجة تماا .الاقدار بغاتنااا نبقاو مطالعين على هاد القضية .. كان خاصني نفتاعل شي سيناريو باش نخرج من ديك القاعة و هاجر ماتعيق بوالو و حتا الاب د سكينة لي هوا سي احمد مايشوفناش المهم تسنيت حتا سالا سي احمد الكلام ديالو باش يرجع ل بلاصتوو و انا و يونس نضربوها ب سلتة حيت ايلا نضنا و هوا وافق ف لاصين غادي يشوفنا ,,المهم انا تخبيت و بديت كانتحدر و درت راسي كانهضر ف التلفون و زعما وقع شي موشكيل عندنا ف الدار و كان خاصني نمشي دغيااا و يونس طبعا حيت جانتل مان غادي ينوض يوصلني .. هاجر تخلعات و قالت بلي غادي ترافقنا و قلنا ليها بلي ماكاين لاش ..نضت انا و يونس و تحركنا ب الزربة و بدون أي كلمة ..طلعنا لطوموبيل بقينا ساكتين شحااال , و هو يشوف فيا يونس و قالي
-يونس " مريم خاصنا نكملو "
-انا" ولكن هادشي راه ماساهلش و هاد الناس ايلا حصلونا بلي حاطين عليهم العين ماغاديش يطلقونا '
-يونس " انا غادي نحاول نتقرب عاوتاني من سكينة وكانتمنا غير ماتعيقش بينا هاجر حيت غادي يصحاب ليها بلي كانغدرو بيها "
-انا " اش بان ليك نعاودو ليها كولشي من الاول باش مانصدقوش ف شي طاب و شي ماطاب '
-يونس " لي بان ليك و فعلا فكرة مزيانة ..و هاجر بنت متفهمة وماغاديش نلقاو معاها موشكيل "
و حنا نمشيو فحالناا و عولنا الغذ ليه نتلاقاو ب هاجر من مورا ماتخرج من الخدمة ديالها , هيا بنت كاتخدم من نيتها و خصوصا من مورا ماتوفا الوالد ديالها و بقات غير هيا و ماماها و فالتالي كاتحرق دمها باش مايخصها شاي و قالي يونس بلي ماشي مرة ماشي زوج عرض عليها المساعدة ولكن كانت كاترفض و مابغاتوش يعاونها . ايوا هيا هاديك سبقناها انا و يونس ل المقهى المعتاد و بقينا كانتسناو
-انا " وا تعطلاااات هاجر علاه فين خدامة "
-يونس " قالت بلي شي حاجة ديال الاعمال الاجتماعية "
-انا " اه معا هيا ملي كان باباها عايش كانت كاتقرا فواحد المدرسة ديال الفلوس ولكن ماسمحاتش الفرصة نعرف فاش ب الضبط"
-يونس " صافي هاهياا وصلاااات "
ايوا دخلات هاجر و جلسات معانا و كان باين عليها العيااا من العمل , و بديت كاندخل ف المضوع تدريجيا .. واخا عرفت بلي يمكن يصحاب ليها بلي حنا غير براهش و هادشي لي كانديرو فيه غير تخربيق و فعلا عاودنا ليها كولشي من زيروو حتاال الحادثة لي طرات ف الحفل ديال التبرع ب الدم , هاجر تقبلات هضرتناااا بسهولة و بقات كاتسول بزاف د الاسئلة ..و صدقات كثر منا ف الهباال و تيقااات هاد التخربيق و قالت لينا صافي نتعاونوا كاملين باش نوقفوا هاد الناس عند حدهم شوياا هيا تقول لينا بلي كايعيطوو عليها من الخدمة و خصهااا تمشي... و من هادشي كامل بدات كاتبان الامور .. سي احمد كايترأس جمعية ديال االتبرع ب الدم و ولدو الياس ملي كان كايهضر معا موسيو مايكل ف المعمل القديم كانو كايهضرو على شي فئات و عيينات و كاين احتمال كبير يكونوا كايهضروو على الدم و هاد القضايا كلهم متشبكين ولكن اش بغاو هاد الناس العيناات د الدم و فاش غادي تنفعهم ..؟؟ القصة ماغاديش تسالي هناااا و مازال مطولة و لكن قربنااا نوصلو ل راس الخيط ...
يتبع
