وحدة من مجموع المهزلات لي كانعيشوووها ف الانتخابات .البارح كنا عند شي ناس و بقينا واقفين على بررا مجمعيين , مع بعض الناس الساكنين في ذات الحي تروونكييل حتا وجا واحد السيد من اصحاب الحملات الانتخابية , و قال '' اه هاد الزنقة عندكم تكرفصاات مسكينة خاص يتدار ليها و يتفعل ليها وهي تجاوب واحد السيدة '' اياه اسيدي فهاد الحي كامل .فقط هاد الزنقة لي كاع محفرة و مشوهة '' و هو يقول. ''شوفو حنا غانديرووو ليكووم . غانفعلوووو ليكووم غانصلحوو ليكوم .. صوتوو علينا راه كوولشي ديالنا , و ان شاء الله نتوما باش غانبداو المشاريع ديالنا المستقبلية, ''و المووشكيل ديك الهضرة بكثرة ماتعاودات بسالت , حماضت , نفس الكواسط كل عام و من ذات الأشخاص ,فين كنتو أسيدي 5 هادي ., اقصد سنيييين هادو.
باش تكون سيايسي خاص وجهك يكون قصح من الحديد , و سنطيحتك طول من جبل تبقال . و هضرتك '' قبل لاتقضي غاراضك ' احلى من العسل الحر , و بعد ماتقضي غاراضك .كاتولي اقوى من سم الأناكوندا , و باش تكون سياسي خاص تكون كاتنتمي لعائلة بينوكيو غي هو داك النيف الطويل كاتقرا عليه شي كلمات سحرية باش المواطن العادي يتغشمو ليه عينيه ومايقشعش داك الانف الطويل و بالأحرى الكذب و النفاق حتااا كادوز واحد العام ولا العاميين و ديك الساع كايكون فات الفوت , باش تكون سيايسي خاص يكون عندك مع تاكتوبو وداكشي حيت كايولي عندك القبوول فجأة ,واخاا تكون شبعتي شفرة سنيين و لكن المواطن كايمشي يعاود يصوت عليك , ولكن الاكفس باش تكون ماشي انسان او كاتنتمي لفصيلة بعيدة كل البعد عن الانس , مابغيناش نسقطو فالسب , لموهيم باش تكون مخلخل شويا و بهل , كايخص تلبس واحد اللبسة ديال شي حزب لي نتا عارفوو ماكايسوا ماكايصلاح و نااسو ماكايخدموش و تدير داك القالب د سيمانة د المرقة و نهار د الزرقة و سنوات د السرقة . داك الجرا لي غادي تجريه سيمانة سير خدم شي خدمة و غاتصور كثثثر من ديك الزرقة , علاش كاتعاونو في تخريب البلاد و كاتشكاو من الفوق . مافهمتش , مع احترماتي للبعض لانه و فعلا كاينني شي ناس لي كايستحقووو تجري معاهم و تعاونهم فالحملة .ولكن باش تستحمر راسك , راه عيب و عار . و بالنسبة للمواطنين لي غادي يصوتوو حاولو تقراو المعوذتين قبل لاتسمعوو الخطاب ديال شي مرشح ماربماا يمشي مفعووول السحر ديال البعض و تقدرو تشوف مزيان الانف ديال كل مرشح و تعبرو سنطيحتوو وتختاابر الرطوبة و القصوحة ديال وجهو .
العنوان مقترح من طرف : yahya boulhari
