لعبة الحوت الازرق

كثر من 130 شخص انتحر ف روسيا ف شهر ماي بسبب واحد التحدي تعرف مؤخرا و سميتو لعبة الحوت الازرق ،هاد اللعبة عبارة عن تطبيق خطير لي كايفرض عليك تدير مجموعة من التحديات و فحالتما ايلا بديتيه وماكملتيهش كايبداو يوصلوك تهديدات من اصحاب اللعبة ، واول تحدي كايطلبو منك تديرو باش تكونفيرمي المشاركة ديالك هو ترسم حوت بالسكين على المرفق ديالك و تجلخ دمايات من موراها كايبداو يوصلوك ميساجات ف 3 و 4 د الصباح لي فيهم مقاطع وافلام ديال الخليع و اي حاجة غادي تخليك تشوف الدنيا بطريقة سودااوية و كايحاولو يبينو ليك بلي العالم متوحش ، وايضا كايصيفطو ليك مورصوات ديال الموسيقى فشكاااااال و كايقولو لك سير طلع لمكان عالي جداا و تمزك ليه باش تحيد منك الخوف و ايضا كايطلبو منك تآدي فمك و اعضاء من جسمك بااالابرة او السكين و فواحد التحدي كايقولو ليك واش بغيتي تولي حوت ازرق و لي كايتساءل بين علاقة الحوت الازرق وهادشي هو : ااالانتحار الجماعي من سلوكيات الحيتان الزرقاء ايلا ماعتقهاش شي حد و رجعها للمحيط كاتموت و لكن هوما مسالمين جدااا و ماكايآديو حد .. 
- هاد الناس الاهم عندهم هو يطيحو عليك الضيم والكآبة باش فالتحدي الاخير يآمروك بالانتحار و للاسف بزاف ديال الاطفال لي مافايتينش 16 عام نتاحرو بسبب هاد اللعبة المجنونة ، و راه المؤسس ديالها فيليب بوديكين لي عندو 21 سنة تشد فالحبس بتهمة التحريض على الانتحار و عتارف و قالك بلي هاد الناس هم حثالة المجتمع وايلا بقاو احياء يقدرو يآديو اي شخص و هو بغا يخلص البشرية من الجراثيم ( فكرني ف لانيم ديال ديث نوت 😂 ) .. 
- كاع الحالات لي نتاحرو كانو عندهم مشاكل نفسية و عائلية و كانو مستعدين للموت و للاسف اغلبهم عندهم عائلات مامسوقينش ليهم حيت من بعد لقاو بزاف ديال الخدوش فالجثث ديالهم و هادشي بحد ذاتو كان لازم يحط علامة استفهام ف راس اي أب او أم ديال بصاح ...عموما تقدرو دخلا ل الهاشتاغات اسفله و تكتاشفووو تفاصيل اكثر وللاشارة انستغرام كايمنع اي صورة فيها هاشتاغ الحوت الازرق... 
#الحوت_الازرق