كيفية التخلص من مشكلة حقوق النشر على الموسيقى

واش عمرك لحتي فيديو ف فايسبوك و مسحو ليك مارك بسبب حقوق النشر ديال شي ديسك ف الفيديو ؟ و اكيد غادي تكون عاودتي بدلتي الموسيقى و ايلا كنتي منحوس غادي يمسحوه ليك تاني و ملي كايطلع ليك الدم كاتدير بالناقص و كاتكمش :'( , ولكن ليوم جبت ليكم الحل , كاين البرنامج سهل ماهل , خفيق و ظريف كايحل هاد المشكل , غادي تيليشارجي بروغرام سميتو " audacity " , ملي غادي يتحل ليك غادي تكليكي على fichiers , و من موراها " اوفغيغ " و واختار المزيكاا لي فيها الاشكال ديال الكوبي رايت و ملي غادي تفتح ماعليك الا تورك على المقطع الموسيقي فالوسط مرتين و من موراها غادي تورك على زر " effets " او المؤثرات بالعربية و غادي تورك من موراها على " changer la hauteur " كيما كاتشوفو ف الصورة و غادي تخرج ليكم واحد النافدة و غادي تغيرو الرقم ف البلاصة لي دورت عليها لاي رقم بغيتوه مثلا 2 , و من موراها ديرو اوكي و عاودو وركو على " ايفي " و كليكيو على " changer la vitesse " وغادي تغيرو الرقم ف البلاصة لي دورت عليها مجددا لاي رقم مثلا ديرو 2 , و من موراها ديرو اوكي و غادي تساليو العملية ب تسجيل التعديلات ملي غادي توركو عل fichier و من بعد exporter l audio و لي خرج ليكم من بعد ديرو ليها اوكي و صاااافي المورصو غادي يولي جاهز باش يتلصق لاي فيديو سواءا ف يوتوب او فايسبوك بلا فريع الراس و بصحة و الراحة .
رابط البرنامج http://audacity.fr/
#خربشات_مريم_بنعلي