ديما كانسمعوو بالذرة و ديجا هضرت ليكم على الخصائص ديالها و لكن واش كاتعرفوو الشكل ديالها كيفاش داير ف الواقع ؟؟ كاين لي غادي يقول نعم و يرسم ليا داك الشكل الثالث لي ف الصورة اسفله ولكن كايبقا ناقص و فالتالي غادي نعطيكم اربع نماذج لي شكلات ثورة ف ضومين ديال العلوم
النموذج الأول هو نموذج طومسون لي كتاشف الالكترونات لأول مرة و تما عرفنا بلي الذرة فيها شي حاجة لداخل و اعتبر الذرة بحال كرة معجوونة وفوسط منها حبات ديال الزبيب ليهوما الاكترونات , ولكن الموشكيل ان الذرة الشحنة ديالها متعادلة كهربائيا و الالكترونات عنذهم شحنة سالبة و منطقيا باش الذرة تكون متتعادلة خاص يكوونو داخلها شحن موجبة و سالبة ف نفس الوقت وهادشي لي خلا طومسون يفكر ان الذرة بحال شي دلاحة , داك الأحمر لي فيها عندو شحنة موجبة و الزريعة عندها شحنة سالبة و الدلاحة ككل كاتولي متعادلة كهربائيا
من موراه جاا واحد العاليييم سميتو رييذرفورد ولي ماكاانش مقتاانع بالنموذج الدلاحي و الكروي وداكشي و قال لابد انه يدير شي تجربة باش يكتاشف الشكل الحقيقي ديال الذرة و فعلا ريذرفورد كان ذكي .مشاا جااب قطعة رقييقة من الذهب وسلط عليها اشعة ألفاا الموجبة و حط واحد الجهاز كايتسما مقياس الجسيمات ف نفس البلاصة فاش فاش كايسلط اشعة الفاا , قالك اودي ايلا مشينا علا هضرة طومسوون راه ملي غادي نسلطوو الاشعة على الدلاحة لي كانفتارضو انها موجبة خاص يتعكسوو لينا مجموعة من الاشعة ل الوراء .علاش ؟ حيت الفا موجبة و الأحمر لي ف الدلاح موجب و فالتالي خاص يوقع تنااافر و ترجع الاشعة للور ولكن سي ريذرفورد كتااااااشف شي حاجة فشكل ..لقاا بلي كاع الاشعة لي سلط كاتمشي للقدام و كاتمر عادي بعض الاشعة لي كاينحاارفو و كايرجعو للور.وهنا افترض بلي شحنة موجبة وحدة مجمعة فوسط الذرة و الاشعة لي كايختارقوو الذرة و كايدوز قريب منها هوما لي كاينحااارفوو فقط وماشي كيما قالينا سي طوومسيوون و اذن نساااااو عليا الدلاح و البطيخ حيت مابقاش خدام ..و هنا وللا مفهووم جديد للذرة وهو المفهوم لي كايعرفوه غالبية الناس ديال ان الذرة فيها نواة موجبة ف الوسط و كاتحوم عليها الكترونات سالبة الشحنة لي كاتدوور في فراغ كبير..
ايواا من بعد جااا موسيو بوور لي ضروو راسوو بزاف و جاه لموديل ديال عشيرو لي قبل منو ماكااملش و فيه شي حوايج مامفهومينش ..هاد ساط بزاااف ناض استعمل مبدأ التكميم ديال العالم بلانك و مفهوم الفوطون ديال اينشتاين و الميكانيك كلاسيك ديال نيوتن ونموذج ريذرفورد للذرة ونتائج الطيف الذري وجمع هاد الدعوة كاااااملة و استخدم الحدس ديالو الفيزيائي وحط فرضيات , قالك اسيدي بلي الذرة فيها نواة موجبة و كل الكترون كايدور ف مدارات محددة على حسب المستوى الطاااقي مثلا اسيدي ايلا سخناا الالكترون كانطعيطيوه طاقة وفالتالي ماكاايبقاش بلاصتوو و كايتحرك لمستوى طاقي اكبر .. بحال ايلا قلتي الكترون واقف ف درجة ياما يطلع ياما ينزل , زدتي ليه الطاقة كااايزيد القدام نقصتيها ليه كايرجع لور و ايلا ماقسيتيهش كايبقا كايدور ف بلاصتوو ولكن ملي كانزيدو الطاقة سرعاان مايفقدها و كايحرر لينا اشعاع كايتسماا طيف الانبعاث.. و دااباا بين كل مدار و مدار فاش كايتسركلوو الالكترونات كاين واححد الحيز تماا قالك اودي مايمكنش ل الالكترون يوقف بين مدار و مدار وهادشي لعكس ديال كلام ريذرفورد لي قالك ان الالكترون يقدر يتواجد ف أي مكاان و هنا لقينا العكس .بلي كل الكترون عندو مدااار محدد فاش كايوقف ..و ملي كايبداو يتحركو الالكترونات فبلاصتهم ماكايصدرووو حتا شي اشعاااع حيت طاقة الاكترون ثابثة و فالتالي الذرة كاتقبا مستقرة حيت النمادج لي قبل قالك اودي الااكترون كايبقاا يدوور يدووور يدووور و فالاخير كايستنزف الطاقة و كايطييح على النواة , ايواا ايلا طاح يعني صاافي مابقات لا ذرة لا هم يحزنوون و هنا بوور صحح لعشرانوو المساائل و عموما كتشف بزاف د المسائل من بينهم الشعااع الذري و القيمة ديالوو و بفضلها كانقدروو نحسبوو أي شعاع ف الذرة خصنا غير نعرفوو اشمن حلقة او مدار فاش كاين ..ولقا القيمة ديال الطاقة شحال كاتسااوي ..ولكن للأسف موضيل ديال بور برااسو مااخدااامش هههه قالك اودي هوا دار التجربة غي علا الذرات لي عندهم الكترون واحد بحال الهيدروجين و مايمكنش يتطبق على باقي الذرات و المشكل الثاني ولي كبير بزاف..قلناا بلي ملي الاكترون كاينزل من طبقة الأخرى قل منو كايطلق اشعاع ولكن ايلا سلطنا حقل مغناطيسي على ديك الذرة بواسطة تجربة معينة ..ماكايبقااش يتطلق لينا اشعاع واحد و انما زووج ولا ثلاثة بحال ايلا كايتضووبلا داك الاشعااع و هنا وقف حمار بور عند العتبة و ماعرفش يفسر هادشي و هنا غادي نهضرة على موضيل اخر لي هواا لموضيل كوانتييييك لي على قبلوو دزنا من هاد روينااا كاملا
أولا جا "بروغلي" لي قال ان الاكترون ماكايتحركش ف حلقة دائرية ومسار دائري و انما الاكترون كايتحرك بحال شي موجة يعني و هو كايدور فمسار مموج وهادشي ماشي غي هضراا وانما فيها تجاريب و حساااب كثيييير وفالتاالي نساااااو علياا المسار الدائري ديال بور و اراك للمعقول
و من موراه جاا العالييم العظيم "هايزنبرغ "ىلي خرج لينا واحد من اعظم المبادئ الفيزيائية لي كايتسما مبدأ عدم التأكد لي قال فيه بلي ايلا عرفنا المكان ديال الالكتروون ف مدة محددة مايمكنش نعرفو السرعة ديالوو فديك اللحظة و ايلا عرفنا السرعة ماغاديش نعرفوو فين جالس الالكترون وهاد النظرية جبدات بزاف د النحل ودخلات حتا ف الفلسفة و المهم بفضلها العلم تأفوونصا ف بزاف د الحوايج
و أخيرا جاء محبووب الملايييييين " شروودينغر " لي جااا عطا النموذج لي شبع غليل الفيزيائيين . قالك اودي بلي الاكترون لي قال بروغلي كايدور فواحد السحابة موجيبة فداك المسار راه فالوااقع الاكترون هو ديك السحابة برااسها ..دبا حنا فالاول كنا كانعتاقدوو بلي الاكترون غي متبع شي مساار وكايبدا يتحرك ولكن المفااجأة هي ان الالكترون هو براسوو ديك الموجة ...-متشرفين – ههه و المهم و من الفوق الاكترون كايهتز حول النواة ب سرعة كبيرة و في كل الاتجاهات فداك الحيز المعين و كايكون ما يسمى السحابة الالكترونية كيما كاتشووفو ف الصورة الرابعة اسفله وهادي ماشي غي هضرة وانما حساب ريااضي و عرف لينا ديك الموجة بواحد الدالة لي كاتسما الدالة الموجية او كيما كاتعرفوها " بسي " و هي لي كاتضهشر كاع الطلبة د الفيزياء و الكيمياء وهي اساااس ميكانيك الكم ..وقالك هاد بسي كاتوصف سلوك الذرة بشكل متكااااامل , هيا بحال لاكارط ناصيونال ديال الذرة و دار معادلة لي معرووفة ولي عتااابر فيها فيها الااكترون كموجة وليس كجسم و هاد المعادلة حلات بزاف ديال التساااءلات لي خلاوهم العلماء لي قبل منووو وهنا عطا نموذج جدييد و أصح للذرة ولي خدامين بيه ليومنا هذاا ومااشي كيفما كان كايتخيلوو الأغلبية ديالناا ..و لكن العلم قابل للتجديد و ماتعرف يقدر يكتاشفوو شي نموووذج جديد..
الى اللقاااء في موضوع ااخر
#خربشات_مريم_بنعلي
النموذج الأول هو نموذج طومسون لي كتاشف الالكترونات لأول مرة و تما عرفنا بلي الذرة فيها شي حاجة لداخل و اعتبر الذرة بحال كرة معجوونة وفوسط منها حبات ديال الزبيب ليهوما الاكترونات , ولكن الموشكيل ان الذرة الشحنة ديالها متعادلة كهربائيا و الالكترونات عنذهم شحنة سالبة و منطقيا باش الذرة تكون متتعادلة خاص يكوونو داخلها شحن موجبة و سالبة ف نفس الوقت وهادشي لي خلا طومسون يفكر ان الذرة بحال شي دلاحة , داك الأحمر لي فيها عندو شحنة موجبة و الزريعة عندها شحنة سالبة و الدلاحة ككل كاتولي متعادلة كهربائيا
من موراه جاا واحد العاليييم سميتو رييذرفورد ولي ماكاانش مقتاانع بالنموذج الدلاحي و الكروي وداكشي و قال لابد انه يدير شي تجربة باش يكتاشف الشكل الحقيقي ديال الذرة و فعلا ريذرفورد كان ذكي .مشاا جااب قطعة رقييقة من الذهب وسلط عليها اشعة ألفاا الموجبة و حط واحد الجهاز كايتسما مقياس الجسيمات ف نفس البلاصة فاش فاش كايسلط اشعة الفاا , قالك اودي ايلا مشينا علا هضرة طومسوون راه ملي غادي نسلطوو الاشعة على الدلاحة لي كانفتارضو انها موجبة خاص يتعكسوو لينا مجموعة من الاشعة ل الوراء .علاش ؟ حيت الفا موجبة و الأحمر لي ف الدلاح موجب و فالتالي خاص يوقع تنااافر و ترجع الاشعة للور ولكن سي ريذرفورد كتااااااشف شي حاجة فشكل ..لقاا بلي كاع الاشعة لي سلط كاتمشي للقدام و كاتمر عادي بعض الاشعة لي كاينحاارفو و كايرجعو للور.وهنا افترض بلي شحنة موجبة وحدة مجمعة فوسط الذرة و الاشعة لي كايختارقوو الذرة و كايدوز قريب منها هوما لي كاينحااارفوو فقط وماشي كيما قالينا سي طوومسيوون و اذن نساااااو عليا الدلاح و البطيخ حيت مابقاش خدام ..و هنا وللا مفهووم جديد للذرة وهو المفهوم لي كايعرفوه غالبية الناس ديال ان الذرة فيها نواة موجبة ف الوسط و كاتحوم عليها الكترونات سالبة الشحنة لي كاتدوور في فراغ كبير..
ايواا من بعد جااا موسيو بوور لي ضروو راسوو بزاف و جاه لموديل ديال عشيرو لي قبل منو ماكااملش و فيه شي حوايج مامفهومينش ..هاد ساط بزاااف ناض استعمل مبدأ التكميم ديال العالم بلانك و مفهوم الفوطون ديال اينشتاين و الميكانيك كلاسيك ديال نيوتن ونموذج ريذرفورد للذرة ونتائج الطيف الذري وجمع هاد الدعوة كاااااملة و استخدم الحدس ديالو الفيزيائي وحط فرضيات , قالك اسيدي بلي الذرة فيها نواة موجبة و كل الكترون كايدور ف مدارات محددة على حسب المستوى الطاااقي مثلا اسيدي ايلا سخناا الالكترون كانطعيطيوه طاقة وفالتالي ماكاايبقاش بلاصتوو و كايتحرك لمستوى طاقي اكبر .. بحال ايلا قلتي الكترون واقف ف درجة ياما يطلع ياما ينزل , زدتي ليه الطاقة كااايزيد القدام نقصتيها ليه كايرجع لور و ايلا ماقسيتيهش كايبقا كايدور ف بلاصتوو ولكن ملي كانزيدو الطاقة سرعاان مايفقدها و كايحرر لينا اشعاع كايتسماا طيف الانبعاث.. و دااباا بين كل مدار و مدار فاش كايتسركلوو الالكترونات كاين واححد الحيز تماا قالك اودي مايمكنش ل الالكترون يوقف بين مدار و مدار وهادشي لعكس ديال كلام ريذرفورد لي قالك ان الالكترون يقدر يتواجد ف أي مكاان و هنا لقينا العكس .بلي كل الكترون عندو مدااار محدد فاش كايوقف ..و ملي كايبداو يتحركو الالكترونات فبلاصتهم ماكايصدرووو حتا شي اشعاااع حيت طاقة الاكترون ثابثة و فالتالي الذرة كاتقبا مستقرة حيت النمادج لي قبل قالك اودي الااكترون كايبقاا يدوور يدووور يدووور و فالاخير كايستنزف الطاقة و كايطييح على النواة , ايواا ايلا طاح يعني صاافي مابقات لا ذرة لا هم يحزنوون و هنا بوور صحح لعشرانوو المساائل و عموما كتشف بزاف د المسائل من بينهم الشعااع الذري و القيمة ديالوو و بفضلها كانقدروو نحسبوو أي شعاع ف الذرة خصنا غير نعرفوو اشمن حلقة او مدار فاش كاين ..ولقا القيمة ديال الطاقة شحال كاتسااوي ..ولكن للأسف موضيل ديال بور برااسو مااخدااامش هههه قالك اودي هوا دار التجربة غي علا الذرات لي عندهم الكترون واحد بحال الهيدروجين و مايمكنش يتطبق على باقي الذرات و المشكل الثاني ولي كبير بزاف..قلناا بلي ملي الاكترون كاينزل من طبقة الأخرى قل منو كايطلق اشعاع ولكن ايلا سلطنا حقل مغناطيسي على ديك الذرة بواسطة تجربة معينة ..ماكايبقااش يتطلق لينا اشعاع واحد و انما زووج ولا ثلاثة بحال ايلا كايتضووبلا داك الاشعااع و هنا وقف حمار بور عند العتبة و ماعرفش يفسر هادشي و هنا غادي نهضرة على موضيل اخر لي هواا لموضيل كوانتييييك لي على قبلوو دزنا من هاد روينااا كاملا
أولا جا "بروغلي" لي قال ان الاكترون ماكايتحركش ف حلقة دائرية ومسار دائري و انما الاكترون كايتحرك بحال شي موجة يعني و هو كايدور فمسار مموج وهادشي ماشي غي هضراا وانما فيها تجاريب و حساااب كثيييير وفالتاالي نساااااو علياا المسار الدائري ديال بور و اراك للمعقول
و من موراه جاا العالييم العظيم "هايزنبرغ "ىلي خرج لينا واحد من اعظم المبادئ الفيزيائية لي كايتسما مبدأ عدم التأكد لي قال فيه بلي ايلا عرفنا المكان ديال الالكتروون ف مدة محددة مايمكنش نعرفو السرعة ديالوو فديك اللحظة و ايلا عرفنا السرعة ماغاديش نعرفوو فين جالس الالكترون وهاد النظرية جبدات بزاف د النحل ودخلات حتا ف الفلسفة و المهم بفضلها العلم تأفوونصا ف بزاف د الحوايج
و أخيرا جاء محبووب الملايييييين " شروودينغر " لي جااا عطا النموذج لي شبع غليل الفيزيائيين . قالك اودي بلي الاكترون لي قال بروغلي كايدور فواحد السحابة موجيبة فداك المسار راه فالوااقع الاكترون هو ديك السحابة برااسها ..دبا حنا فالاول كنا كانعتاقدوو بلي الاكترون غي متبع شي مساار وكايبدا يتحرك ولكن المفااجأة هي ان الالكترون هو براسوو ديك الموجة ...-متشرفين – ههه و المهم و من الفوق الاكترون كايهتز حول النواة ب سرعة كبيرة و في كل الاتجاهات فداك الحيز المعين و كايكون ما يسمى السحابة الالكترونية كيما كاتشووفو ف الصورة الرابعة اسفله وهادي ماشي غي هضرة وانما حساب ريااضي و عرف لينا ديك الموجة بواحد الدالة لي كاتسما الدالة الموجية او كيما كاتعرفوها " بسي " و هي لي كاتضهشر كاع الطلبة د الفيزياء و الكيمياء وهي اساااس ميكانيك الكم ..وقالك هاد بسي كاتوصف سلوك الذرة بشكل متكااااامل , هيا بحال لاكارط ناصيونال ديال الذرة و دار معادلة لي معرووفة ولي عتااابر فيها فيها الااكترون كموجة وليس كجسم و هاد المعادلة حلات بزاف ديال التساااءلات لي خلاوهم العلماء لي قبل منووو وهنا عطا نموذج جدييد و أصح للذرة ولي خدامين بيه ليومنا هذاا ومااشي كيفما كان كايتخيلوو الأغلبية ديالناا ..و لكن العلم قابل للتجديد و ماتعرف يقدر يكتاشفوو شي نموووذج جديد..
الى اللقاااء في موضوع ااخر
#خربشات_مريم_بنعلي
