حيت نوفل عندو رنج روفر و موهنديس عجب فاتي فلوغ و بزاف.. حيت القلب الفاتيفولغي يقدر يتزعط حتا ف موكااا ايلا عندها عومار ... و كون كان نوفل مشومر و بنفس الكمارة ماغاديش تعطيه فاتي فلوغ النمرة ... فاتي فلوغ ماكايهمهاش المستوى الفكري و الدراسي ديال نوفل و المهم هو يكون عندو باش يديها تقصي ف بيتزا هات و يكون عندو شي حديدة باش يوصلها .. و الفاتيفلوغيزم فيه انواع كاين لي كاتبغيه يكون بحال نوفل موهنديس ب رنج روفر ديالو و كاين لي كاتبغيه غير يكون خداام موظااف و عندو حديدة وماشي ب الضرورة تكون رنج روفر و كاين لي كاتبغي غير يكون عندو الفلوس و ب طوموبيلتو ماكايهمش خدام ولا لا ولكن العنصر المشترك هو الطوموبيل باش ما تضطرش فكل مرة تخسر فلوس تاكسي .. فاتيفلووغ ماشي بحال البنات الاخرين لي غير كايبغيو يتعرفوو على شاب و يدوزو الوقت صدق هوا هاداك ماصدقش كايبقاو اصدقاء ..فاتي فلوغ شادا طريق الله ماباغاش تفلاا و الهدف ديالها هو تولي لصقااا سبيسيال ماتفاكش من نوفل حتاااال النهار لي يقولو ليها '' البركة فراسك راجل مات '' .. و اذا مانجحوش الخطط ديالها عادي كاتنساه دغيا و كاتمسح نمرتو و ايلا تلاقات معاه ف الطريق كاتطمر بحال ايلا ماعمر بغاتو حيت الحوب عندها غير اشاعة و كاتبدا تقلب على شي نوفل اخر باش تحبوو و فهمو مزيان هاد الجملة هي ماكاتقلبش على الحووب و انما كانقلب على لي تحبوو مباشرة من بعد مايتوفرو فيه المواصفات لي قلنا سابقا .. و فاتي فلوووغ قبل لاتكون انواع راهيا صنفين ف الاصل .. فاتي زوينة و فاتي خايبوعة .. الزوينة دغياا كاتوصل ل غاراضهااا خصووصا ايلا تلاقات مع شي نوفل عجل ..و كاينا فاتي الكوفرة لي غالبا تلتجأ للشوافة فتيحة لي ف الحومة باش تحرز ليها و تدير ليها شي حجابات باش يطيح نوفل طيحة خايبة و من غير الشوافات عندها طرق باش تطيح نوفل لي مانقدرش نقول عليه عجل حيت يقدر مسكين داخ بزز منوو .. الحاصوووول ا دراري حضيو راسكم من فاتيفلووغ و حتا نتوما ا البنات راه تقدر تدير ليكم العصا ف الرويضة .حتال شي مرة و نقولكم كيفاش ..
