من قديم الزمان و الناس ديال '' Alchimie '' او الخيمياء مقااتلين باش يحولو لينا عناصر معينة لعناصر اخرى بحال هاد الستوون ديال الذهب .. و ف التاريخ يقال ان واحد الساط فيزيائي دار شي تجربة و صدقات ليه ولكن ماكايناش شي تجربة نشوفوها حاليا لي كاتثبث الكلام ديالو
ايواا ا سيدي باش هاد العملية توقع اصلا خاص نهرسوو النواة ديال الزئبق و نقلعوو منهاا دوك البروتونات و النوترونات لي زاايدين باش يولي بحالو بحال خوه الذهب ..وباش نهرسوو النواة ديال هاد العنصر خاصنا طاقة هائلة جدا وهاد الظروف كايتوفروو فقط ف فواحد الجهاز يسمى مسرع الجسيمات ولكن هاد البلان ماخدامش حيت التكلفة ديالو غاااااليااا بزاااااف و غاتصدق خاسر بدل ماتربح ..ايوا اسيدي شي ناس ف ميريكان عندهم مختبر و كايتوفروا على اكبر مصدر ديال النوترونات ف العالم و عندهم واحد الجهار المبدأ ديالووو هو قصف الزئبق بالبروتونات وديك الساع النواة ديال الزئبق كاتشد بعض البروتونات ولا العكس و المهم كايوقعو تما بزاااف د ستوناات و كاين احتمال انه من خلال هاد العملية كانقدروو نوصلو نسبيا لداكشي لي بغيناا اي الزئبق يولي عندو نفس عدد البروتونات ديال الذهب .. وفعلا بعض ذرات الزئبق كاتحول لذهب ولكن بشكل ضئييييييييييييييييييييييييييييييييييييييييييييييييييل جدا يعني داكشي ماواكلش و بالتالي هنااا الخيمياائيوون كايتكمشووو و كايتسنطو لعظامهم و كايستافدو من الذهب الموجود ف الطبيعة مباشرة . بلا خيمياء ولا كيمياء
هادوو هوما المعلومات لي عندي بخصوص هاد الموضوع لي يقدر تحتامل الغلط .. و لي عندو معلومات اخرى مايبخلش علينا
#خربشات_مريم_بنعلي
#خربشات_علمية
